Social Welfare Department hnuaia naupang hmakhaw ngaitu pawl Bal Bhawan Society chu November ni 14, 2008 khan din a ni a. He Society hmalaknain Khatla YMA Office building-ah Mizorama Bal Bhawan hmasa ber chu vawiin khan Mizoram Governor Lt Gen M M Lakhera-in a hawng.
Bal Bhawan a hawn zawhah Governor hovin Society member ten Environment & Forest Department-in City Park-a Bal Bhawan sakna tur atana an hmun pek an tlawh a. Bal Bhawan hawnna inkhawm chu Tourist Lodge, Chaltlang-ah dar 11:30 khan neih a ni bawk.
Khuallian Pu Lakhera chuan thu sawiin vawiina Mizo naupangte tan Bal Bhawan hawn a ni ta chu Mizoram atan ni chhinchhiah tlak a tling a ni, a ti. India Prime Minister hmasa ber Pu Jawaharlal Nehru chuan naupangte a hmangaih leh a ngaihsak em em a, sikula an zirlai piah lamah anmahnia talent leh themthiamna hrang hrang chherchhuahna hmun an mamawh tih hriain Bal Bhawan a dinchhuah thu a sawilang a. Vawiina kan naupang leh zirlaite hi nakina kan ram leh khawtlang hruaitute an nih dawn avangin kawng dik leh thaa kan kaihruai hma a pawimawh tak zet a. Tunlai thalai zingah sualna a hluarna chhan chu nu leh paten an fate bulah hun an hman tam loh leh an ngaisak tawk loh vang a ni tiin Governor chuan zirtirna tha leh thianghlim taka naupangte an infiam theihna tur hmun Bal Bhawan Mizorama din a nih tak chu a lawmawm hle a ni, a ti.
Bal Bhawan Society hi Ministry of Human Resources, Govt of India hnuaia National Bal Bhawan enkawl an ni a. Tunah hian India ram pumah State Bal Bhawan Society 73 a ding tawh a, Mizoram hi 74-na a ni.
National Bal Bhawan Society chuan nikum lam atanga khan Social Werlfare Department, Govt. of Mizoram hnenah Bal Bhawan Society din ve turin cheng nuai 10 an rawn pe a, Bal Bhawan hmun tur zawn nghal a ni. Hmun remchang a awm mai theih loh hnuah Khatla YMA Branch ten Khatla YMA In chu a thalwnin luah an phalsak ta a. Khatla YMA Branch leh Veng mipuite chungah Bal Bhawan Society hotute an lawm hle a ni.
Bal Bhawan-ah hian computer, music, song & drama, painting (Lemziak) zirna a, naupang pual liau liau atan Library changtlung tak a awm nghal bawk a ni. Tunah hian member 32 an awm tawh a. Ni 28.3.2009 atang chuan Inrinni leh sikul chawlh apianga hawn a ni dawn a, naupang zawng zawngte Bal Bhawan-ah hian memebr ni vek turin sawm an ni.
Khuallian Pu Lakhera chuan thu sawiin vawiina Mizo naupangte tan Bal Bhawan hawn a ni ta chu Mizoram atan ni chhinchhiah tlak a tling a ni, a ti. India Prime Minister hmasa ber Pu Jawaharlal Nehru chuan naupangte a hmangaih leh a ngaihsak em em a, sikula an zirlai piah lamah anmahnia talent leh themthiamna hrang hrang chherchhuahna hmun an mamawh tih hriain Bal Bhawan a dinchhuah thu a sawilang a. Vawiina kan naupang leh zirlaite hi nakina kan ram leh khawtlang hruaitute an nih dawn avangin kawng dik leh thaa kan kaihruai hma a pawimawh tak zet a. Tunlai thalai zingah sualna a hluarna chhan chu nu leh paten an fate bulah hun an hman tam loh leh an ngaisak tawk loh vang a ni tiin Governor chuan zirtirna tha leh thianghlim taka naupangte an infiam theihna tur hmun Bal Bhawan Mizorama din a nih tak chu a lawmawm hle a ni, a ti.
Bal Bhawan Society hi Ministry of Human Resources, Govt of India hnuaia National Bal Bhawan enkawl an ni a. Tunah hian India ram pumah State Bal Bhawan Society 73 a ding tawh a, Mizoram hi 74-na a ni.
National Bal Bhawan Society chuan nikum lam atanga khan Social Werlfare Department, Govt. of Mizoram hnenah Bal Bhawan Society din ve turin cheng nuai 10 an rawn pe a, Bal Bhawan hmun tur zawn nghal a ni. Hmun remchang a awm mai theih loh hnuah Khatla YMA Branch ten Khatla YMA In chu a thalwnin luah an phalsak ta a. Khatla YMA Branch leh Veng mipuite chungah Bal Bhawan Society hotute an lawm hle a ni.
Bal Bhawan-ah hian computer, music, song & drama, painting (Lemziak) zirna a, naupang pual liau liau atan Library changtlung tak a awm nghal bawk a ni. Tunah hian member 32 an awm tawh a. Ni 28.3.2009 atang chuan Inrinni leh sikul chawlh apianga hawn a ni dawn a, naupang zawng zawngte Bal Bhawan-ah hian memebr ni vek turin sawm an ni.
