Vawiin chawhma ah khan Raj Bhavan ah Dr Sapna Poti, Executive Member, National Skill Development Corporation (NSDC) chu leng lut in Mizo thalai te tana thiam thil zirtirna kawnga thil tangkai te Governor Lt Gen Nirbhay Sharma (Retd.) a sawipui.

Ministry of Skill Development and Entrepreneurship hnuaia hmalakna hrang hrangte chu tuna Mizoram in hun a tawng mek ah Mizo thalai te tan a pawimawh tak zet thu Governor Lt Gen Nirbhay Sharma (Retd.) chuan Dr Sapna Poti chu lo kawhhmuh in NSDC puihna Mizo thalai ten an mamawh a ni a ti a. “Hun reilote ah Rel kawng rawn lut tur te, International border trade phuisui chho mek zel vang te leh KMMTP puitlin tur vang te in Mizoram chhungah sumdawnna nasa takin a pung thut dawn a. He thil lo inthlak danglam thut tur atan hian tun dinhmunah kan Mizo thalai te an la inpuah chak tawk lo hle a. Kan Mizo thalai ten hnathawh tur chi hrang hrang an thawh thiam theih nan skill training tha zawk, hmanhmawh takin an neih hman a ngai a ni”, Governor chuan ti a. State sawrkar in Ministry of Skill Development and Entrepreneurship hnuaia hmalakna hrang hrang te state dang aiin a mamawh tih tarlang in Hmarchhak state zawng zawng bialtu a nih anga hmalak puiah Dr Sapna Poti, Executive Member, National Skill Development Corporation(NSDC) chu a sawm a ni.

Dr. Sapna Poti chuan Ministry of Skill Development and Entrepreneurship in Hmarchhak bial a duhsak thu tarlang in an hmalakna hrang hrang te Governor chu a hrilh a. Governor nen an inkawmna ah hian Skill Development Training paltlang tur tan Aadhar card a la pawimawh zual zel tu thu a tarlang a. Mizoram chhunga Industrial Training Centre then khat ah NDSC chuan contemporary skill training na hmun siam a tum tih a sawi a. Tualchhunga mi, an thawhpui, thalaite thiamthil zirtirtu, Local training partner te tah hriam chhoh zel pawh tum a ni a ti. Thalai ten website ah Pradhan Mantra Kaushal Vikas Yojana(PMKVY) scheme lo zirchiang se a tangkai tur thu sawiin Local Training Partner ten tualchhung mite mamawh thiamna zirtir dan te pawh an ngaihtuah tel a pawimawh a ti.