Governor Vakkom Purushothaman chuan nimin khan KV Multipurpose School, Durtlang in Silver Jubilee an lawmna a hmanpuiin Swimming Pool thar a hawng nghal.

KV Multipurpose School hi kum 1986 khan K Chhawnthuma leh a thiannu Rosangpuii (L) ten an din a, tunah hian pawl 4 atanga pawl 12 thleng zir theihna niin zirlai 200 vel leh zirtirtu 20 an awm mek a ni.Governor in a hawn swimming pool hi internal standard niin a dung metre 25 leh a vang metre 10 a ni a, a thuk lai ber feet 10 leh a thuk lo lai ber feet 2.9 a ni a, swimming pool siam nan hian cheng nuai 37 sen a ni.

Governor chuan zirlai te chu ram nghakfak an ni tih hre reng chhungin lehkha zir a, chhungte leh ram leh hnam tan thahnemngai taka thawk turin a fuih. Governor chuan school Principal te, zirtirtute leh zirlai zawng zawng te duhsakna hlanin hetianga zirna tha hmun buatsaih a ni chu lawmawm a tih thu a sawi bawk.