Mizoram Governor Lt.Gen.(Rtd) MM Lakhera PVSM, AVSM, VSM chuan vawiin khan AR lammual atangin Assam Rifles in an kum 175 lawmna chi khat atana an neih Motorcycle Peace Rally a vai liam.

 

 

Governor chuan Assam Rifles in kum 175 an lawm thei chu lawmawm a tih thu sawiin he motorcycle Rally in thupui ah remna leh muanna hmanga India hmarchhak an fang kual chu an hlawhtling ngei a beisei thu a sawi a.

He rally hi March 2, 2010 khan Delhi ah Haryana Governor Pu Jagannath Pahadia in a vailiam a,  rally tum hnihna chu Guwahati ah Assam Governor Pu J B Patnaik in March 9, 2010 khan a vai liam. He rally hian India hmar chhak state 7 Assam Rifles awmna hmun a tlawh ang. Motor Cycle Peace Rally ah hian Officer pakhat,JCO 1 leh 28 sipai an tel a, ni 20 chhung km 2500 an tlan hnu in Director General Assam Rifles Lt.Gen K.S.Yadava,PVSM, AVSM, SM, VSM in  Shillong ah a vai lut ang.