Vawiin khan AR Ground ah Mount Carmel School 31st Annual Sports Function 2018 buatsaih a ni a, Mizoram Governor Kummanam Rajasekharan chu Khuallian niin he hun hi a hmanpui a, Mount Carmel school Principal Pu Lalnunkunga Sailo, zirtirtute, zirlai naupangte leh an chhungte thahnem takin he hun hi an telpui a ni.

Governor Kummanam Rajasekharan chuan infiamna hmanga taksa sawi zawi chu hriselna atana hmanraw tangkai tak a nih thu sawiin, infiamna muala in thian thatna kan chher chhuah hi a nghet in a hlu bik hle a ni, a ti. Governor chuan, in elna a chak zawk nih chu a lawmawm a, theihtawp chhuah a tel va na hian a ti ropui zual a ni, a ti a, inlaichinna tha hian kan nunah hlimna nasa takin a thlen thin a, he Annual Sport hmang hian inlaichinna tha zawk chhar chhuak theuh turin duhsakna ka hlan a che u, a ti bawk.

Mount Carmel School 31st Annual Sports Function ah hian Annual sport meichher deh kaina hun hman niin school naupangten March pass te an entir a, Junior & Sub-juniour, High school, Higher Secondary school naupang te chuan zai leh lam hrang hrang entirna hun an hmang bawk a ni.