Vawiin khan Mizoram Governor Lt.Gen.(Rtd) M.M Lakhera, PVSM, AVSM, VSM chuan Mizoram State Council for Child Welfare leh SSA leh MSACS tangkawp buatsaih National Painting Competition 2009 Central YMA Hall, Tuikhuahtlang a neih chu a hawng.
 
  
 

Governor chuan naupang te hi nakin hnu a ram hruaitu turte an ni a, Art hian mihring suangtuahna leh mitthla a pholan thin angin tunlai naupangte pawh chutiang ngaihtuahna fim, suangtuahna dik leh zalenna pe thiam ila chungte chu art chi hrang hrang hmangin an pholang dawn a ni. Zirna hian a tum chu mihringte hman tlak tling ngei a chherchhuah niin lehkhabu chhung ringawt hian zirna a ti famkim ngai lo Governor chuan a ti bawk.

He painting competition hi Indian Council for Child Welfare chuan kumtina ruahmanna a siam thin angin he hun hi hman a ni a, naupang kum 5-16  inkarte tan buatsaih a ni. Tun competition ah hian naupang 58 an tel a, Differently Abled 4 leh Champhai atangin naupang 5 an rawn tel. An kum milin group hrang hrangah naupangte hi then an ni a, heng an lem ziah te hi State Council Executive member ten endikin, group tin atanga a thiam thlanchhuah 3 theuh Delhi ah an lo thlanchhuah leh turin  thawn a ni ang. State tin atanga painting thlanchhuah te chu Selection Board in an a lo endik leh ang a, heta lawmman dawn tur chu pawisa fai, medal leh lehkha zir zawm zelna tur scholarship a ni ang.
 
 

Attachment

  • Loading attachment...