3835/2023-2024

Aizawl, the 15th February 2024: Vawiin khan Raj Bhavan-ah Governor Dr Hari Babu Kambhampati chuan kumin Republic Day lawmna programme lian ber New Delhi-a neih tak puala Republic Day Camp(RDC)- 2024 a zu tel, NCC Cadet pali – mipa 3 leh hmeichhe 1 te chu lawmpuina a hlan a. RDC 2024 a tel, NCC Cadet 4 te hian ngaihhlut hlawh tak Line Area, Flag Area leh Prime Ministers Rally-ah te an tel thei a; North Eastern Region(NER) Directorate Group Dance & Ballet, National Integration Awareness Programme (NIAP) leh Youth Exchange Programme (Cultural) ah te an tel bawk a ni.

Governor Dr Hari Babu Kambhampati chuan NCC Cadet chhuanawm tak te hi lawmpuina atan Laptop leh Chawimawina thuziak a pe theuh a ni. Felicitation program-ah hian Governor chuan NCC Cadet te chu a kawm chhunzawm a.He hunah hian Mizo thalaite tana Indian Armed Forces hnuai hnathawh tur tha tak tak chungchang te a sawipui a ni.

Republic Day Camp 2024 a zu tel te hi a 1Mizo Air Sqn NCC atangin Cadet Under Officer K.C. Lawmsangpuia, Cadet Corporal H.Malsawmtluanga, Cadet Corporal Celine Vanlalhriati leh 1 Mizo Battalion RDC atangin Cadet Corporal C.Lalruattmawia te an ni a.

Felicitation program-ah hian Colonel SS Kalia, Commanding Officer, 1 Mizo Battalion NCC, Wing Commander Lalrinsanga, Commanding officer,1 Mizo Air Squadron leh HZK Vanlalsawma te  ten NCC Cadet te hi an rawn kaihruai a ni.