3990/2024-2025

Aizawl, the 27th January, 2025: Vawiin khan Mizoram Governor Gen (Dr) VK Singh, PVSM AVSM, YSM (Retd) chuan Mizorama NGO lian ber Young Mizo Association (CYMA) hruaitute, Mizo hmeichhe hlang member awmna NGO lian ber, Mizo Hmeichhe Insuihkhawm Pawl (MHIP) hruaitute leh Mizorama zirlai pawl lian ber Mizo Zirlai Pawl (MZP) hruaitute chu Raj Bhavan-a lengah sawmin, Mizoram hmasawn nana pawimawh leh tul hrang hrangte a sawipui a ni.

NGO hruaitute hian a hran theuha Governor hi hmuin inpawhtlang takin an inkawm a. YMA hruaitute'n chuan chawhma lamah CYMA President Pu Lalhmachhuana hovin Governor hi hmuin an kawm a. Chhunah MHIP President Pi Ngurmawii Sailo hovin MHIP te'n Governor hi an kawm bakah chawhnuah MZP hruaitute'n an pawl Adviser Pu Peter Lalzawmliana hovin Governor hi an kawm bawk a ni.