Mizoram Governor Lt. Gen (Rtd.) MM Lakhera, PVSM, AVSM, VSM chuan vawiin chhun khan Mizoram Kohhran Hruaitute a chenna inah lenga sawmin thil pawimawh chi hrang hrang a ti ti pui.

 

 

Larsap chuan Mizoram sorkar-in rethei dawmchhuahna tura NLUP a kalpui mek chu thil tha tak mpui nawlpui tana dinchhuahna tur anih avangin a kalpui dan leh a kenkawh chungchangah Kohhran Hruaitute chu ralbang lova a tir atanga engkim enpuitu ni turin a beisei thu a hrilh a ni.

Hlemhletna umbo hi thil ngaih pawimawh tham a tling tawh tiin Governor chuan mipui ten an chanai tur dik tak an chan theihna tur hian Kohhran Hruaituten tih tur tam tak an nei a ni a ti a. An ti ti ho na ah hian Mizote kuthnathawh an hreh ta lutuk chungchang leh khawchhak leh state dang atanga chutiang thawk tur lo lut tam ta lutukin Mizo khawtlang nun a tih buai hial dante an sawilang a. Hetah pawh hian Kohhran Hruaitute chuan anmahni Kohhran huamchhung theuhah tun aia nasa zawka zirtirna neih chu thil sawt tak a nih tur thu te an sawi lang a ni.