Vawiin khan Raj Bhavan Darbur Hall-ah  Nehru Yuva Kendra buatsaih National Integration Camp-a tel ten Governor Lt. Gen. (Rtd) M.M Lakhera, PVSM, AVSM, VSM an hmu. He camp hi Youth Hostel, Luangmual-ah neih niin November 18 - 24 thleng a awh ang a, hmar chhak state panga - Assam, Nagaland, Tripura, Manipur leh Mizoram atangin thalai 109 an tel a ni.

 

 

Governor chuan Hnam inpumkhatna camp hian a tum ber chu kan ram than chhohna zelnaah hian mawhphurhna inang kan nei vek a, kan tanrual that chuan India ram hi khawvel ram chak berah kan siam thei a ni a ti. Kan ramah hian hnam, sakhua leh tawng hrang hrang a awm a, hengte hi  inzahsak tawn turin Governor chuan a chah. Ram hmasawnna tur project hrang hrang ah hian tih tur kan nei ve a ni tiin thalai te chuan engtingnge kan tan ve theih ang tih ngaihtuahna hmang turin Governor chuan fuih bawk.

Vawiin inkhawm ah hnam lam engemawzat lan tir a ni a,  state tin thing phunna Governor hian a nei nghal. Nehru Yuva Kendra hi 1972 khan din a ni a, thalai hmasawnna tur kawng hrang hrang dap a ni.