1478/2022-2023

Aizawl, the 5th August 2022 : Vawiin khan Govt. Mizoram Law College Alumni Association in Rising Day an hmang a, Alumni Association Chairman Pu C.Lalramzauva, Senior Advocate, Adviser to Chief Minister hova he hun hi hman a ni a. Pu C. Ropianga, IAS Rtd. Patron, Alumni Association chu resource person niin law college zirlaite tan career awareness programme an hmang nghal a ni.

Govt. Mizoram Law College hi Mizorama law zirna College neih chhun niin Law Colleges pahnih: Liandingpuia Law College leh Aizawl Law College te chhunfin a July ni 1, 2004 a din a ni a; August ni 25, 2006 a deficit grant-in-aid ah hlankai niin September ni 19 2013 ah provincialised a ni a. Tunah hian Luangmual, Ch. Chhunga High School bulah mahni building ah an awm mek a ni.

Govt. Mizoram Law College Alumni Association hi 2016 khan din niin Alumni Association hian College theihtawp chhuah in Law College in NAAC Accreditation an hmuh theih nan tha leh zung tamtak an seng a. Awareness te neiin Law College zirlaite'n law an zirchhuah huna ukil an practice na kawngah placement te an lo zawnsak thin a ni.

Law College hian ukil mai bakah MJS, MCS, IAS, Judicial Officers leh Sawrkara mi pawimawh tak tak tamtak an lo chherchhuak teuh tawh a ni.