729/2026-2027

Lawngtlai, 27th May 2026 : June Ni 11, 2026 - a Green Mizoram Day- hman dan tur relin vawiin khan 'Lawngtlai District Level Committee on Green Mizoram' chuan an Chairman leh Bawrhsap nibawk Pu Donny Lalruatsanga kaihhruaiin DC Conference Hall-ah thutkhawm an nei.

Pu Donny Lalruatsanga chuan 'Green Mizoram Day' chu Kum 1999 atanga kum tin hman thin a nih angin kuminah pawh urhsun taka hman a tul hle a ti a. Khawvel sik leh sa inthlak danglam zelah thing leh mau bakah nungchate humhalh leh venhim kawngah thanharh a hun tawh tak zet tiin, Department pakhat kutah engkim dah theih a ni lo a, sawrkar, NGO leh mipuite tanho zel a pawiwh tak zet a ni, a ti. Lawngtlai District- a ramngaw enkawl kawngah neitu thinlungput a tul hle tih tarlangin Bawrhsap chuan Lawngtlai District mipuite thing leh mau, ramngaw humhalh kawnga theihtawp chhuahpui turin a sawm nghal bawk.

hutkhawmah hian thil pawimawh tak tak sawiho a ni a. Green Mizoram Day- puala inkhawm hi DC Office kawtzawlah hman a ni ang a, Khuallian atan Pu C. Lalsawmzuala, CEM,LADC niin, Lawngtlai Bawrhsap Pu Donny Lalruatsanga chu Chairman a ni ang. Hemi ni vek hian Bawrhsap kawtzawla hun hman zawhah thing tiak phun leh ni se tih a ni a, Department leh NGO - te thingphun tur bituk sak nghal niin, thingtiak- 420 phun ni se an ti a ni. Thingtiak- hi Kawlchaw bul, NH- 02 kawngpui dungah phun a ni ang. Thing phun enkawl chungchangah a phuntu department - te kutah dah niin, kum khatah vawi hnih- September leh February- ah a hmunhma samfai thin ni se an ti a ni.

Vawiin thutkhawmah hian 'Lawngtlai District Level Committee on Green Mizoram' Member- te an tel kim tha hle a, Pu Donny Lalruatsanga chuan lawmthu sawiin hun a khar.

Kumin 'Green Mizoram Day' hi June Ni 11 ah hman a ni dawn a, Thupui atan 'Thing hi rangkachak anga hlu, Nunna tinreng bul a ni (Trees are green gold, The roots of all life)' tih hman a ni ang.