Vawiin chawhma dar 10 : 30 khan M.A.D.C. Forest Hall, Saiha-ah Green Mizoram Day hman a ni. He Ni hmanna inkhawm hi Pu H.Lalhmingthanga, Election Officer, Saiha District chuan a kaihruaia, Pu Kunal IAS, District Bawrhsap leh Pu S.Khipo, CEM, M. A.D.C. te chu khuallian an ni.
Pu Kunal IAS, District Bawrhsap chuan thu sawiin ramngaw humhalh pawimawh zia leh Pathian thilthlawnpek ramngaw leh thing leh maute hi khua leh tui tha te chuan kan humhalh tlat tur ani, a ti a, thil siam zawng zawngte innghahna ber chu thing leh mau te an ni, tiin dimdawi leh duat taka enkawl theuh turin kalkhawmte chu a chah ani. Pu S.Khipo, CEM, MADC pawhin thu sawiin Ramngaw venhim a pawimawh zia a sawi a, thangthar ten kan mawhphurhna pawimawh tak chu kan ramngaw te venhim hi ani, tiin tunhma Mizo Lal ten an ramawp chin an enkawl dan leh an venhim dan te sawi langin Green Mizoram Day hi hmang tangkaia ramngaw venhim kawngah theihtawpa tanla thar theuh turin kalkhawmte chu a chah a, ramngawte ti chereu lova thingphun uar deuh deuh turin a ngen bawk. Thing leh maute dimdawi tur leh an puitlin theih nan duat taka enkawl turin kalkhawmte chu a chah bawk a ni.
Pu K.Chhuabei, EM (Forest) MADC Saiha leh Dr K.Rakhu, President, MTP General Headquarters, Saiha te pawhin kalkhawmte hnenah thu tha tak tak an sawi bawk a ni. Pu K.Ngokha, A.C.F., M ADC Saiha chuan lawmthu sawina neiin he Ni hmanna hi tihtawp a ni a. Programme zawh hnu hian a duh apiangte tanThingtiak chi hrang hrangMADC Forest Department te hian an sem zui ani.
Pu K.Chhuabei, EM (Forest) MADC Saiha leh Dr K.Rakhu, President, MTP General Headquarters, Saiha te pawhin kalkhawmte hnenah thu tha tak tak an sawi bawk a ni. Pu K.Ngokha, A.C.F., M ADC Saiha chuan lawmthu sawina neiin he Ni hmanna hi tihtawp a ni a. Programme zawh hnu hian a duh apiangte tanThingtiak chi hrang hrangMADC Forest Department te hian an sem zui ani.
