Vawiin khan Green Mizoram Sub-Committee chu an Chairman Pu Lalrinmawia Ralte, Environment &Forests Minister hovin a pisaah an thukhawm. Green Mizoram Sub-Committee hian kumina Green Mizoram Day hman dan tur an rel a.

Green Mizoram Day chu June ni 11-ah neih leh an rawt a, kumin atan hian thupui thlanbik neih leh chu tha tiin “Plant trees – save the earth (thing phun la, khawvel chhanhim rawh)” tih an thlang a ni. Green Mizoram Day hawnna inkhawm leh thingphunna programme pui ber chu College of Veterinary Sciences & Animal Husbandry, Central Agriculture University, Selesih a neih tha an ti a. Thing phun tur (species) thlan chungchangah thing kum hlun chi thlan nise tiin, Forests Department kutah an dah a ni.

Mizoram puma thing leh mau phun uar nana kum 1999 atanga sorkar hmalakna kal zel, kum tina hman thin Green Mizoram Day hi a hlawhtlin theih nan mipui thinlungah thing leh mau ten boruak, sik leh sa a humhalh leh vawn dik dan leh mihring nun khawchhuah nana a hlutzia in zirtir chu Committee chuan tul a ti hle a.

Kum kalta a Green Mizoram Day hman tawh dan te thlir letin tha thawkhat viau ah an ngai a. Chutihrualin a hlawhtlin lehzual theih nan thing phun tawh te an dam khawchhuah ngei theihna tura uluk taka vil zui tul an ti a ni. Hemi atan hian Committee chuan tlawmngai pawl te nen ruahmanna felfai tak siama heng thingphun vil zui bakah mipuite pawhin thingphun hlutzia hria a a tichhe tu nilova a humhalhtu an nih theih nan tan lak tul an ti bawk.