1145/2025-2026

Aizawl, 11th July, 2025 : Vawiin khan Mizoram Resource Mobilisation Committee (MRMC) hnuaia Sub-Committee on Tax and Non-Tax chu an Chairman Pu Haukhuma Hauzel hovin a pisaah Mizoram Sawrkara GST tam zawk a luh theih dan tur ngaihtuahin an ṭhukhawm.

Vawiin meetingah hian Mizoram Sawrkara GST tam zawk a luh theihna turin Taxation Department thuam chak a pawimawh ni a hriat a ni a, a bik takin Intelligence leh Enforcement Wing te tichak tura sawrkar ngen ṭha tih a ni. Taxation Department lam pawh an work force neih sa ang ang hmanga hna tam zawk thawk thei tura insiam rem tura ngen tha an tih bakah, an hnathawh tichak turin a tam thei ang bera IT hmang ṭangkai turin thurawn pek ṭha an ti bawk.

Sawrkara Department hrang hrang, Works khawih ṭhintute pawh sawrkara GST a luh tam theihna tur zawnga hnathawh dan ngaihtuah ṭhin tura ngen an rel a, hei bakah hian mipui ten awlsam zawka chhiah an pek theih nan Aizawl khawpui chhung Sawrkar building hmun remchang laiahte mipuite tan Taxation Department site office hawng turin thurawn pek an rel bawk.

MRMC, Sub-Committee on Tax and Non-Tax thukhawm hian GST registration nei tawh ten tuna chhiah an pek aia tam an pek theih nan te leh registration siam ve lo, kum khata cheng nuai 20 chuang la lut tam zawk ziah luh an nih theih nan nasa zuala hmalak nise, service tam zawk entirnan catering te, picnic spot, resort leh a dangte. GST registration neitu sumdawng te chu an dawr chungah emaw hmuh awlsam theih tura an registration number te tarlang tura hriattir ni se an ti a ni.