Regional Passport Officer (RPO), Guwahati hnuaiah June ni 14, 2013 atangin Passport Seva Kendra (PSK) hawn a ni dawn a; hei hi diltute tan awlsam, felfai, langtlang leh rintlak zawka passport hmuh theihna tura Ministry of External Affairs (MEA) ruahmanna siam thar a ni.

Kum kalta chhung khan passport diltute RPO office-a inlan tura tih zingah a tam zawk chu remchan lohna emaw rokhawlhna emaw vanga lang thei ta lo an ni tih hmuhchhuah a nih hnuah he Passport Seva Kendra hi ruahman a ni ta a. Hetah hian diltute chuan online payment system (Credit/Debit Card - Master emaw Visa) bakah SBI internet banking hmangin office an dawr thei tawh dawn a ni.

Passport Seva Kendra hi Dehradun leh Vishakhapatnam-ah hlawhtling taka tihchhin tawh a ni a. Tun dinhmunah PSK 77 hawn tawh niin MEA chuan ramchhung hmun hrang hrangah PSK hawn belh a tum zel a ni. PSK te hi 24x7 Call Centre ten tawng chi hrang 17 hmangin an vil reng a, mipuite tan office hunchhung kher lovah pawh dawr theih an ni. Passport siamna tura thla lak te, office dawr hun tur bituk te, an dilnate chu hmuh ngei a ni tih chhinchhiahna te leh an dilna chuan eng dinhmun nge a thlen tawh tih thlengin mipuiten PSK kaltlangin an hre ve thei reng dawn a ni.

PSK dawrna tur website chu www.passportindia.gov.in a ni a, National Passport Call Centre Ph. No. chu 1800-258-1800 a ni..