3755/2024-2025

Siaha the 10th January 2025: Vawiin chawhnu dar 2:00 khan Siaha District Court Building thar chu Gauhati High Court Chief Justice Shri Vijay Bisnoy chuan a hawng.

Justice Nelson Sailo, Judge, Guwahati High Court and Portfolio Judge for Lunglei Judicial District chuan kalkhawmte lawmna thu sawiin zahna chibai a buk.

District Court building thar hawngtu Hon’ble Chief Justice Vijay Bisnoy, Guwahati High Court chuan MADC a hotute, Sawrkar Department hrang hrang mi pawimawhte leh NGO hruaitu kalkhawmte hnenah lawmthu sawiin kumthar chibai a buk. Chief Justice Vijay Bisnoy, Guwahati High Court chuan Building thar chu a ruangam leh engkim a felin a tha hle tih a sawi a, building tha tak Siaha District in a nei thei chu lawmawm a tih thu sawiin thahnemngai taka enkawl zui zel turin chah a. Dikna in ro a relna hmun nih tir theuh turin theihtawp chhuah zel turin a fuih bawk a ni. Chief Justice hi a nupui Smt Suman Bisnoy in a tawiawm bawk a ni.

Justice Michael Zothankhuma, Judge, Guwahati High Court and Portfolio Judge for Aizawl and Kolasib Districts chuan thusawina hun tawi a hmang bawk. Pu Zodingliana, Senior Executive Engineer, Lunglei Building Project Division, Lunglei hnen atangin report ngaihthlak a ni bawk a ni.

District Court Building, Siaha hi Centrally Sponsored Scheme niin cheng Vaibelchhe 18 (18 crore) senga saka ni a, Contractor hi Pu F. Sangkunga, Venghlui Aizawl a ni. He Building hi September Ni 10, 2018 atang khan sak tan niin, March Ni 21, 2021 khan zawhfel tur a ni a, Covid 19 leh harsatna hrang hrang avangin April Ni 22, 2023 khan main building hi zawhfel niin, a chhung furniture works khawih leh niin vawiin hian luah nghal a ni. Building len zawng hi 4395.92 sq.m a ni. He building hi PWD Engineer mi 24 te enkawlna hnuaiah sak niin:
1. Engineer-in-Chief- pa 7,
2. PChief Engineer - pa 3,
3. Superintending Engineer, Project Circle: Aizawl- pa 4,
4. Executive Engineer, Lunglei Building Project Division- pa 5,
5. Sub- Divisional Officer, Siaha Building Project Sub Division- pa 3,
6. Junior Engineer, Siaha Building Project Sub Division- pa 2 te an ni.

Pu Vanlalenmawia, District and Sessions Judge, Lunglei Judicial District, Lunglei chuan lawmthu sawina neiin vawiin hun hi khar a ni.