Nimin chawhma dar 11 :00 khan Mara Students Organisation (MSO) General Headquarters, Saiha te chuan Saiha District chhunga kumin HSLC leh HSSLC exam-na a tithate chawimawina hun M.T.P. Hall, New Colony, Saiha-ah an hmang.

He chawimawina hun hi Pu Beirava T.Azyu, General Secretary, MSO Headquarters Saiha chuan a kaihruai a, Pu VL Ngaia Hlychho, Executice Secretary i/c Education, ECM Assembly chuan hunserh a hman hnuah MSO President Pu F.C. Khihnia chuan thusawina a nei zui nghal a ni.  

He huna Khuallian Pu Kunal IAS, DC Saiha chuan thu sawiin Education hi Ram leh Hnam himna kulhbang tha ber a ni tiin kan hmalam hun chu tuna kan zirna kalpui dan hian a hril dawn a ni ati a, zirlaite zirtir hi zirtirtute kut ah chauh in nghat mai lovin nu leh pa leh khawtlang nunah thui tak a in nghat a, chuvangin kan rama zirna tih  hmasawn nan hian zirlaite mai bakah zirtirtu, nu leh pa, leh sawrkar in tangruala kan bei chuan tun ai hian hlawhtlinna ropui zawk pawhin min hmuak mek a ni ati bawk. Zirna-a atui thu sawiin Saiha District in zirna kawnga hma-a sawn theih nan theih tawp chhuah a tum thu leh a beisei piah lama results tha kan nei chu lawmawm a tih thu leh tan lak zual sauh a pawi mawh thu pawh a sawi bawk.  

He zirlai tithate chawimawina hun ah hian HSLC ah Mizoram puma pathumna K.Ngohlaki leh palina K.Gospel Khaingiarili te hnenah lawmpuina Certificate leh tangkafai hlan an ni a, heng mite bakah  Distrinction leh Fist Division a passed mi 19 hnenah lawmpuina Certificate hlan an ni bawk. HSSLC(Science) Exam-a tithsa zualte hnenah pawh chawimawina Certicate hlan  an ni a, he examna a parukna KC Zalena hnenah Certificate leh tangkafai hlan a ni a, midang First Division leh Distinction-a passed mi 6 hnenah pawh lawmpuina Certificate hlan an ni bawk. HSSLC (Arts) Exam-a titha zual mi 4 hnenah pawh Certificate hi hlan an ni bawk  HSSLC(Horticulture) leh HSSLC (Commerce)   Exam-a titha zual mi pakhat veve hnenah lawmpuina hi hlan an ni a, K.Minari (B.Ed) CTE Aizawl Training-na a pakhatna hnenah lawmpuina Certificate leh tangkafai hlan a ni bawk.

He Programme ah hian Khuallian bakah Pu K.Hrahmo, E.M. Education , MADC pawhin thu sawina  a neih bak ah kumin HSLC leh HSSLC Exam-na a Top ten a tel te chu Laptop Computer a pek tur thu a sawi bawk a ni. Programme karlakah zaithiam tak tak zai te ngaihthlak a ni a, Pu H.C.Malsawmthanga, Secretary, i/c Education, MSO General Headquarters chuan lawmthu sawina neiin he programme hi a ti tawp a ni.

Attachment

  • Loading attachment...