Ni 28.2.2009 (Inrinni) khan Indira Gandhi National Open University (IGNOU), Regional Centre, Aizawl chuan CYMA Hall, Tuikhuahtlang-ah Convocation vawi 20-na an hmang a, H&TE Minister Pu Lalsawta chu Khuallian niin he Centre atanga zir chhuak mi 74 te hnenah Degree a hlan a ni.
Khuallian chuan thusawiin IGNOU chu zirna in lar tak, mi tam tak hnena thiamna tha zawk, awlsam zawk a pek chhuah kawngah hma a lak chak avangin a lawmawm a ni, a ti. IGNOU chuan zirna tluang pangngai bakah Mizote mamawh tak leh thiam zawng Vocational Education & Training lam - entirnan food processing angah te pawh zirtirna a hawn zel avangin zirlai tam takte tan eizawnna tur kawng a ti awlsam phah a rin thu a sawi bawk. Central University a nih avangin IGNOU hnuaia zir chhuakte chuan ‘recognition’ chungchangah harsatna an nei lova, Mizoram sorkar pawhin hetiang thiamna chhawr theih mai, eizawnna hawi leh nghal chu a ngai pawimawh hle a ni, a ti.
IGNOU 20th Convocation hi India ram state hrang hrang leh IGNOU hmunpui New Delhi-ah te a ruala hman a ni a. IGNOU Regional Centre, Aizawl chuan hnathawh that avangin kum 2009 Best Services Award a dawng nghe nghe a, Aizawl Regional Director Dr. S.R.Zonunthara’n he Award hi New Delhi-ah a zuk dawng a ni. Aizawl Regional Centre hian kum 2005 leh 2007 khan Best Services Award a lo dawng tawh bawk a ni.
IGNOU hi Ministry of Human Resources Development, Govt. of India hnuaia awm, Central Univeristy a ni a. IGNOU Regional Centre, Aizawl hi kum 2000-a din tan a ni a, Mizoram chhungah Study Centre 31 zet a hawng tawh a ni. Aizawl Regional Centre hnuaiah programme chi hrang hrang 58 a zir theih tawh a. Kum tluanin engtik lai pawhin M.A., M.Com., B.A., B.Sc., BSW, MSW, B.Ed. M.Ed. ah te Certificate leh Diploma Programme chi hrang hrangah admission a tih theih reng a ni.
Kumin IGNOU Regional Centre Aizawl 20th Convocation-ah hian mi 9-in M.A. Sociology-ah degree an dawng a, M.A. (English)-ah mi 4, M.A. (Political Science)-5, M.A. (History) - 2, M.A. (Public Admn.) - 2, B.Ed. - 33, BCA - 4, B.Com - 1, B.A. (Economics Major) - B.A. (Major in Hindi) - 3, B.A. (Major in History) - 1, B.A. (Major in Sociology) -1 leh mi B.A. - 8 te degree hlan an ni.
IGNOU 20th Convocation hi India ram state hrang hrang leh IGNOU hmunpui New Delhi-ah te a ruala hman a ni a. IGNOU Regional Centre, Aizawl chuan hnathawh that avangin kum 2009 Best Services Award a dawng nghe nghe a, Aizawl Regional Director Dr. S.R.Zonunthara’n he Award hi New Delhi-ah a zuk dawng a ni. Aizawl Regional Centre hian kum 2005 leh 2007 khan Best Services Award a lo dawng tawh bawk a ni.
IGNOU hi Ministry of Human Resources Development, Govt. of India hnuaia awm, Central Univeristy a ni a. IGNOU Regional Centre, Aizawl hi kum 2000-a din tan a ni a, Mizoram chhungah Study Centre 31 zet a hawng tawh a ni. Aizawl Regional Centre hnuaiah programme chi hrang hrang 58 a zir theih tawh a. Kum tluanin engtik lai pawhin M.A., M.Com., B.A., B.Sc., BSW, MSW, B.Ed. M.Ed. ah te Certificate leh Diploma Programme chi hrang hrangah admission a tih theih reng a ni.
Kumin IGNOU Regional Centre Aizawl 20th Convocation-ah hian mi 9-in M.A. Sociology-ah degree an dawng a, M.A. (English)-ah mi 4, M.A. (Political Science)-5, M.A. (History) - 2, M.A. (Public Admn.) - 2, B.Ed. - 33, BCA - 4, B.Com - 1, B.A. (Economics Major) - B.A. (Major in Hindi) - 3, B.A. (Major in History) - 1, B.A. (Major in Sociology) -1 leh mi B.A. - 8 te degree hlan an ni.
