Tunlaia natna hrileng hlauhawm tak ‘Swine Flu H1N1’ chu do hneh anih theihna turin Central Sorkar chuan chak taka hma la in, State leh UT tin ten hma an lak dan thlithlaia, a viltu tur Central Nodal Officer a ruat thar vek a. Mizoram tana Central Nodal Officer turin Union Ministry of Culture a Joint Secretary Pu Nihal Chand Goel chu ruat a ni. H1N1 laka Mizoram sorkarin H1N1 laka inven dan tura hmalakna leh a inpuahchah dante a rawn zirchiang dawn a. Hemi chungchang hi Union Ministry of Health & Family Welfare chuan Chief Minister hi rawn hrilhhe tawhin, state sorkar hmalakna te thlirhova meeting nei turin thurawn an rawn pe tawh bawk a ni.
Pu Nihal Chand Goel hian vawiin khan Aizawl lo thlengin, Chief Minister Pu Lal Thanhawla chu a chenna in McDonald Hill-ah a hmu nghal a. Chief Minister tawiawmtu Chief Secretary Pu Vanhela Pachuau chuan Mizoram sorkar hmalak mek te chu hrilhin Pu Goel chuan tha a ti hle a. District tinah damdawi awm ang angte pe vek tura rawnin, Pu Nihal Chand Goel chuan zirtirtute leh zirlai naupangte chu training pek nise a ti a. Rinhlelh thisen sample thawnna tura Dibrugarh tih tawh chu Kolkata anih zawk tur thu sawiin, Mizorama Doctor te chu training nei turin Delhi atangin mithiamte an rawn kal thin ang a ti bawk a ni.
He inkawmna ah hian Secretary, AH & Vety, Jt Secretary, Health Services bakah a kaihhnawih department Director-te, Hospital & Medical Education, Health Services, AH & Vety, Higher & Technical Education leh School Education te an tel a ni.
Pu Nihal Chand Goel hi naktuk hian New Delhi ah a kir leh ang.
He inkawmna ah hian Secretary, AH & Vety, Jt Secretary, Health Services bakah a kaihhnawih department Director-te, Hospital & Medical Education, Health Services, AH & Vety, Higher & Technical Education leh School Education te an tel a ni.
Pu Nihal Chand Goel hi naktuk hian New Delhi ah a kir leh ang.
