Home Minister Pu R.Lalzirliana hoin vawiin khan a Chamber ah kumin Krismas leh Kumthar vuak vet a Mizoram puma halpuah leh a kaihhnawih lam thil Sorkarin a khap bawhzuina kawnga an hmalak tawh dan hrang hrangte an thlir let a. Tun thlenga hmalak tawh naah lawmawm hle in an hria.
Pu Lalzirliana chuan mipuite tana hamthatna tura hmalakna kawngah tumah milian leh rethei thliar lovin khapna dan hi kenkawh a ni ang tiin milian leh hausa zawkte pawhin mipuite tana tha tur anih avangin sorkar hmalakna do zawnga tilui lo hram turin a ngen a. Keini leh thangthar zelte tan thlir chungin thil thalo hi chu kan hnawl ngam a ngai a ni a ti a. Tun thlenga hmalak tawhna te chipchiar takin an thlir hova; hmun engemaw zatah halpuah leh a kaihhnawih lam thil man tawh a ni a. Uluk zawkin khan zawng zawngah ngawrh taka duty in dahin check leh zel nise an ti a. Heti chung pawha dan bawhchhiate chu thubuai siam sak zel nise an ti bawk.
Khapna dan zawm tha veng leh khua te hnenah lawm man tha tawk siam sak an ni dawn a. Hei hi CYMA in a endik hna an thawk dawn a, mahni huamchhung theuhah halpuah leh a kaihhnawih lam hallo tura zirtirna hna pawh an thawk mek bawk a ni.
He meetingah hian Aizawl DC Pu C.Thanchhuma, DGP Pu Lalrokhuma Pachuau, DIG (R) Pu L.Hrangnawna te bakah Police hotu lian engemaw zat leh, Excice leh Taxation department hotute, I&PR te leh Central YMA hruaitute an kal tha hle a ni.
Khapna dan zawm tha veng leh khua te hnenah lawm man tha tawk siam sak an ni dawn a. Hei hi CYMA in a endik hna an thawk dawn a, mahni huamchhung theuhah halpuah leh a kaihhnawih lam hallo tura zirtirna hna pawh an thawk mek bawk a ni.
He meetingah hian Aizawl DC Pu C.Thanchhuma, DGP Pu Lalrokhuma Pachuau, DIG (R) Pu L.Hrangnawna te bakah Police hotu lian engemaw zat leh, Excice leh Taxation department hotute, I&PR te leh Central YMA hruaitute an kal tha hle a ni.
