Vawiin chawhnu khan Saikuti Hall Lunglei ah HATIM (Baptist kohhran enkawl college) chuan Graduation Ceremony an hmang. Pu Joseph Lalhimpuia, Parliamentary Secretary chu khuallian niin a hmanpui.

Dr. Rema Chhakchhuak, Principal, HATIM in inkhawm kaihruai in Pu Joseph Lalhimpuia chuan thu sawi in Graduate chhuak thar zirlai 64 te chu a lawmpui thu a sawi a, Mizoram ah College leh College te kan in el a, HATIM zirlaite chuan Mizoram chauh en lovin India ram leh khawvel zirna tha te el tur a tan la turin a chah a ni. Exam ah mark in hmu sang tur a ni, chuti lo chu Ram in hma a sawn lovang, sport decipline hrang hrang ah khawvel ah kan lang tawh a engvangin nge education ah kan lan ve loh ang a ti a, HATIM zirlai leh zir chhuak te chu India ram university tha te el tura inbuatsaih turin a hrilh. HATIM zirlai leh school boruak a tha a chuvangin zirlaite nungchang ah HATIM zirlai kan ni tih in lantir a ngai a ni a ti. MPSC exam ah officer tam tak kum tin an lut thin a Lunglei atangin engzat nge kan luh ve tih hi kan in en a tan lak kan ngai hle a ni a ti bawk. A sawi zel na ah education hmalakna leh hmasawnna thenkhat te tarlang in quality education ah sawrkar in hma a la nasa a, zirtirtu lak na tur ah equipment rules mumal awmlo tepawh siamthat a ni a, Mizoram ah model school 10 din a ni a primary level bak ah middle school ah chuan JNM School, electric Veng, Lunglei chauh hi kan nei a ni a ti. Pu Joseph Lalhimpuia hian HATIM Graduation te lawmpui nan computer set leh printer a pe a ni.

Dr.Chawngthanpari, HATIM Principal kalchhuak ta chuan Annual Magazine tlangzarhna a nei.