No.2021/2020-2020

Nimin ni 13 June 2020, tlai lam dar 4 khan ZMC a thawk zawng zawng te pualin Dr. R. Lalthangliana Minister, Health and Family Welfare chuan Zoram Medical College (ZMC) a thawk zawng zawng te pualin ZMC campus-ah zanriah a buatsaih sak.

He hunah hian Health Minister  Dr. R.Lalthangliana erawh hna dang tul avangin a aiawhin Health and Family Welfare Board Vice chairman Dr. ZR Thiamsanga MLA, Pu L. Thangmawia, MLA, Pu H. Lalzirliana MLA te an tel a ni.

Dr. ZR Thiamsanga  chuan COVID-19 dona tan a hnathawktu zawng zawng te hnenah lawmthu sawiin,  Automated RNA Extractor thar hmangin reiloteah chak zawka sample test tih theih anih tur thu a sawi a. Automated RNA Extractor chu tha taka thawk thei tur a uluk taka installation te tih a ngai a, battery back up pawh tha taka tih a ngaih avang te, chhe thut anih avangin fimkhur tak trial run neih mek a nih thu te, Automated RNA Extractor hmanraw pawimawh tak Reagent te duh duh a lei theih a nih loh bakah nikhat a hman theih zat biktuk anih avang a duh ang a an la test tam thei loh thu te a sawi a.

Dr. ZR Thiamsanga chuan tuna khawl hman mek ah pawh thawktute an mut hman meuh loh thute sawiin mipui te leh result nghak mek te pawhin lo dawh hram hram tura ngenin, reilo teah chuan tam zawk an en thuai theih a beisei thu leh result laksa la en loh te pawh en zawh thuai anih tur thu a sawi bawk.

Pu L.Thangmawia MLA pawhin hripui dona kawngah MLA te an tlanchiat loh thu sawiin, tih ve theih a nei anih phawt chuan thawktute chu intlahrung lo va hril zel turin a sawm bawk.

Pu H. Lalzirliana MLA pawhin ZMC a thawkte inpekna chu ropui a tih thu te, zoram thlamuantu annih avangin ram mipuite chuan an hnungah an ding zel dawn a. Chungvang chuan thawktute pawh thlamuang taka awm turin a chah bawk a ni.