4103/2023-2024
Dated Aizawl, the 8th March, 2024: Vawiin khan Pi Esther Lalruatkimi, Principal Secretary, Government of Mizoram chuan Health Care Pending Bills approved list a beneficiaries mi 11,046 te pawisa dawn tur cheque a tichhuak fel a, a amount chu 39.26 crore a ni.
Cheques hi MRB bank ah pek a ni ang. Naktuk hi bank chawlh a nih avangin karleh Monday atangin beneficiaries te account ah a luh tan theih beisei a ni a. MRB lam pawh chak taka beneficiary te account-a lo thun turin ngen an ni.
Heti hian tuna Health Care Bill la pek hmabak chu kumin February leh March bills chauh an ni tawh dawn a. Hei pawh hi sawrkar ruahmanna tha tak zarah a bawhzui (process) chhoh zel thei tawh dawn a, health care bill ba nei lovin sawrkar a kal chho ve dawn hnai a ni.
Nikum December ni 11 a Government Press Release hmanga mipuite kan lo hriattir tawh angin Chief Minister Pu Lalduhoma hova Finance Department thuneitute thukhawm chuan Health Care Bill ba pek atan cheng vaibelchhe sawmli a dah hrang a, vawiin hian cheque peih fel a lo ni ta a ni.
