No.1647/2020-2021
Health and Family Welfare Department chuan RT-PCR test chungchangah notification a hnuai a mi ang hian a tichhuak
Mizoram State pawn atanga lo lut/haw kan pung zel a, a tam ber hi Red Zone atanga lo lut kan nih avangin COVID-19 hri kai pawh hmuhchhuah belh a ni ta zel a.COVID-19 hri hi kan khawtlangah leng mai thei (community spread) a nih avangin kan fimkhur lehzual a lo ngai ta a, chuvangin:
1) State pawn Red Zone atanga lo lut/haw te reng reng chu a tam thei ang ber, RT-PCR sample la in COVID-19 Testing Laboratory, ZMC ah thawn a test tur a ni.
2)Quarantine-na hmunah hian ni 14 chhung awm tur a ni a, hemi chhung hian RT-PCR Test result chhuak hman ngei tura ngaih a ni. Amaherawhchu, rokhawlhna eng emaw avanga hemi chhunga test result chhuak hman lo an awm palh hlauh chuan quarantine centre bialtu Health official ten Principal Director be rawnin an chungchang an rel fel ang. Hei hian Government Quarantine Facility, Community Quarantine Centre leh Home Quarantine a awmte a huam vek ang.
3)RT-PCR sample lak hi District tinah Chief Medical Officer leh District Medical Superintendent-ten ruahmanna siamin kalpui tur a ni.
4)District tina Deputy Commissioner ten Chief Medical Officer te hnenah Red Zone atanga lo kalte hming leh Quarantine-a an awmna hmunte a rang thei ang berin an hriattir thin ang.
