1158/2026-2027

Dated Aizawl; 24th June, 2025: Vawiin khan National Health Mission, Health & Family Welfare Department buatsaih State Felicitation Of Kayakalp Awardees Mizoram (2025-2026) chu Health & Family Welfare department changtu Minister Pi Lalrinpuii chuan BSI Hall, Bible House, Khatla ah a hmanpui.

Minister chuan hospital leh health facility a thawktute inpekna leh thawhrimna avanga he tiang programme an hmang thei chu lawmawm a tih thu a sawi. India ram pumah faina ngaih pawimawh niin, Swatch Bharat campaign te pawh neih ṭhin a ni a; Kayakalp pawh hi he Swatch Bharat initiative hnuai ami niin, Kayakalp Scheme in a tum ber chu Cleanliness – Faina hi a nih thu a sawi bawk. Mizoram chhunga damdawiin hrang hrangte, Sub-Centre atanga PHC, District Hospital thlengin an faiin an thianghlim hle a, tawktute inpekna leh thawhhona tha avanga hlawhtling thei a ni a, a ropui hle a ni, a ti.

Minister chuan Kayakalp kalpui a nihna chhan pakhat chu – mipuite hian Indian Constitution hnuaiah Right to Health kan neih vang a nih thu a sawi a, Constitution chuan Right to Live hi mi zawng zawng fundamental right atan min pe a, Right to Live hnuaia pawimawh ber te zinga mi chu Right to Health a nih thu a sawi bawk. Mipuite hian hospital fai leh thianghlima inentir hi an dikna leh chanvo a ni a, chumi tur chuan thawktute hmalakna leh tanrualna a pawimawh a tih thu a sawi a ni.

Minister chuan faina kan kalpuinaah hian pawnlam faina chauh ngaipawihmawh loin, Kayakalp-ah chuan natna darh tur venna lam- infection prevention-te, damlote himna mai bakah quality healthcare-te kan ngaihpawimawh ber a ṭul hle a ni, a ti. Minister chuan Kayakalp leh NQAS laimu ber chu hawihhawmna a nih thu sawiin, “Ka chah duh ber chu damlo damdawiin an rawn panin hawihhawm  leh rang taka lo buaipui zung zung tur leh enkawlna dik an mamawh ngei an dawn theihna tur a hmalak hi a ni”, a ti. 

State Level Kayakalp Award dawngtute:

Health & Wellness Centre Award (HWC)

Aizawl East

1. Tlungvel HWC-SC

2. Seling HWC-SC

Aizawl West

 1.Tlangnuam HWC-SC

 2. Republic HWC-SC

Kolasib

1. Tumpui HWC-SC

2. North Chaltlang HWC-SC

Lawngtlai

1. Mampui HWC-SC

Lunglei

1. Rahsi Veng HWC-SC

2. Mualthuam North HWC-SC

Serchhip

1. Hmuntha HWC-SC

2. Zote South HWC-SC

Primary Heath Centre (PHC) Award:

Aizawl East

1. Suangpuilawn PHC

2. Khawruhlian PHC

3. Phulen PHC

Aizawl West 

1. Sialsuk PHC 

Champhai

1. Farkawn PHC

2. Hnahlan PHC

3. Khawbung PHC

Kolasib

1. Bairabi PHC

2. Kawnpui PHC

Lawngtlai 

1. Bualpui NG PHC 

Lunglei

1. Thingsai PHC

2. Haulawng PHC

3. Buarpui PHC

Mamit

1. Rawpuichhip PHC

2. Reiek PHC

3. Kanghmun PHC

Serchhip

1. East Lungdai PHC

2. Ngentiang PHC

3. Chhingchhip PHC

Saiha

1. Chakhei PHC

2. Phura PHC

Urban Primary Health Centre Award:

1. Sihphir , Aizawl East

2. Zemabawk, Aizawl East , Sazaikawn, Lunglei

3. Hrangchalkawn, Lunglei

Community Health Centre (CHC) / Sub-DISTRICT HOSPITAL (SDH) Award :

1. Biate CHC

2. Vairengte CHC

3. Sakawrdai CHC

District Hospital Award :

1. Aizawl East District Hospital (CHA)

2. Aizawl West (ZMC&H)

3. Civil Hospital Lunglei

Eco-Friendly District Hospital (DH) Award :

1. Champhai DH

2. Saiha DH

Eco-Friendly Community Health Centre (CHC) / Sub-DISTRICT HOSPITAL (SDH) Award :

1. Lengpui CHC

2. Biate CHC

3. Thenzawl CHC

Kayakalp Award Scheme hi Ministry of Health and Family Welfare (MoHFW) bul tanna, Swachh Bharat Mission hnuaia hmalakna peng pakhat a ni a. Sorkar damdawiin leh clinic-ah faina, hriselna, bawlhhlawh sawngbawlna leh natna inkaichhawn laka himna kawnga hma la tha ber bertute chawimawina leh ṭan lak tharna tur atana buatsaih a ni.

“Kayakalp” hi faina kawnga Sawrkar damdawi inte inelna niin, endikna tur duansa (checklist) hmangin chhawng thuma endik vek an ni a – damdawi in leh a chhehvel felfai taka an enkawl danah te, damdawi in aṭanga bawlhhlawh chhuak thliar hrana natna hrik inkaidarh lohna tura sawngbawl hnua a paihna hmun dik taka paih a nih dan te, thawktute’n an hna bil ṭheuh an thiam dan te, damlote ngaihdan lakna (patient satisfaction survey) te, khawtlang nena faina kawnga an thawhhona te leh eco-friendly lama an hmalakna te endik an ni.

Health & Family Welfare Department in a programme a buatsaihah hian NHM Mission Director, Dr. R.Lalchhuanawma'n a kaihruai a, State Nodal Officer (QA) Dr Vanlalrengpuia' n report tawi  pe bawkin; Dr. Lily Chhakchhuak, Director DHS , Dr. Zonunmawii Pachuau, Director DHME, Dr. R. Lalchhuanawma, Mission Director NHM, State Level Officer te, Sr leh Deputy CMO-te leh Sr leh Deputy Medical Superintendent-te kim chang takin an tel.