1720/2022-2023

Aizawl 26th August 2022: Covid-19 hrilengin laka invenna (Covid appropriate behaviour) leh he hri kaite dahhran chungchangah hetiang hian zawm tur (advisory) siam ani :-

1.  Covid-19 Appropriate Behaviour (CAB) and testing :

I.            Covid-19 vei ni a inringhlel (Covid-19 symptom nei) zawng zawngte chu anmahni in khung hrangin, a rang thei ang bera in test nghal tur a ni.

II.           Zoram Medical College (ZMC), Falkawn a refer ngai an awmin an sample ID leh SRF ID a pawimawh avangin, mahni a intest (self test) te pawhin mahni veng hnai bera Kiosk emaw LTF te hriattir ngei ngei tur a ni.

III.         Covid-19 hrileng mai bakah hrileng dangte laka min vengtu tangkai mask vuah hi thlah thlamloh tur a ni a, midangte nen a inhnaihtaka awm loh tur a ni.

IV.         A zing thei ang bera kut silfai leh hand sanitizer hman thlah thlamloh tur a ni.

V.           Inkhawm tih loh puipunna dangah a tlem thei ang ber tel turn tur a ni; chung hmuna kan kal a nih pawhin mask vuah, midangte hnaihloh leh hand-sanitizer hman ngaihpawimawh tur a ni.

VI.         School leh zirna in dangah te punkhawmna lam buatsaihloh nise, zirtirtu leh zirlaite zingah Covid-19 symptom nei an awm chuan class teacher-te hriatpuinain chawlh pek nise.

VII.       Inkhawm leh puipunna hmundangah te mitinten mask vuah vek nise, zai lai pawhin vuah vek nise.

VIII.      Office zawng zawnga thawktute leh office dawrtuten mask vuah vek nise, hand sanitizer chhawp vek ni bawk se.

2.   Positive patient Isolation :

I.        Covid-19 natna veite anmahni inah ni 5 chhung an inkhunghran bakah ni 2 dang mahni dinhmun in enchik (Self-monitoring) in an awm zui tur a ni.

II.       Covid-19 vei mekte home isolation a an awmin, midangte an kaichhawn loh nan, midangte aiin mask vuah an uluk tur a ni a, an chhungte pawhin CAB an zawm tha tur a ni.