No.611/2021-2022

Aizawl, 20th May, 2021 : Ram pawn atanga Mizoram a lo lutte entry points-a Covid-19 test kalpui dan tur chu a hnuai a mi ang hian duan a ni. He inkaihhruaina hian hemi chungchanga inkaihhruaina a lo tih chhuah tawh zawng zawng a luah lan ang a, tih chhuah a nih atanga thu leh awm hma chu hman tur a ni ang.

1. India ram pawn leh India ram hmun dang atanga Mizorama lo lut reng reng chu Mizoram an lo luh na (point of entry) ah RAgT (Rapid Antigen Test) hmanga en dik vek an ni ang a, RAgT positive te chu enkawl dan tur ding lai (protocol) angin enkawl zui tur an ni ang. Hetiang hian Mizoram atanga zin chhuak, lo haw leh te pawh en dik vek tur a ni ang.

2. Mizoram a lo lut RAgT negative result neite chu Inah emaw CQF/Paid Hotel-ah ni 10 chhung an inkhunghrang tur a ni a, ni 10 hnuah RT-PCR a test tur a ni. Negative result an neih chuan inkhung zui a ngai lo ang a, ni 7 chhung fimkhur takin mahni an inchik zui tur a ni.

3. Self Monitoring (mahni hriselna inchik)-Covid-19 inkaihhruainain a phut mahni in lama awm tawh si ‘mahni hriselna inchik’ tura tih te chuan heng a hnuaia tarlan harsatnate hi an nei em tih an inchik reng tur a ni.
i) Khawsik
ii) Rim hriatna tlahniam
iii) Hrawk thip leh nuamlo
iv) Khuh
v) Thawhah
vi) Taksa sil leh na them thum
vii) Pumna
viii) Kawthalo
ix) Luhai
x) Chaw ei tuilo
xi) Chau ngawih ngawih

Self Monitoring (mahni hriselna inchik) chunga mahni in lama awm te chuan Covid-19 chungchanga sorkarin thurawn a siam te- midang hlata awm, mask vuah, kutsil fo/hand sanitizer hman-te tha takin zawm tur a ni.