No.960/2021-2022

Pu R.Lalramnghaka, Secretary, Health & Family Welfare Deparment chuan a hnuaia mi ang hian thuchhuah a siam a ni.

“COVID-19 hripui dona atan mimal leh pawl thahnemngai te'n Health & Family Welfare Department hmanturin tanpuina chi hrang hrang an pe thin a. A lawmawm hle a ni. Hetianga tanpuina thilpek hlu takte hi mumal taka record vawn leh a semzai a nih theih na’n a remchan phawt chuan, thilpek pe tute’n Secretary leh Principal Director, Health A Family Welfare Department te hriattir zel turin, thilpek dawngtu tur Office-te’n a petu turte lo bengvar zel tur a ni a. A petu lamin hetianga hriattir hi a remchang lo a nih pawhin, thilpek dawngtu Medical College/Hospital hotute'n thilpek dawn chungchang hi a hma thei angin a chunga sawi thuneitute hnenah hian report vat tur a ni a. Motor/Ambulance te phei chu a lo dawng tur leh Transport Departments register tura General Administration Department (GAD)-ah phalna lak zel a ngaih avangin. Document kimchang nen report hi rang taka theh luh zel tur a ni e.”