Health Minister Pu Lalrinliana Sailo February ni 17-a a bial Tuichang (ST) fang tura chhuak chuan Saitual leh Khawzawl-a CHC te, Biate-a PHC, damdawi in leh staff quarter te, Sialhawk-a PHC bakah Chawngtlai leh Khawhai khua te a tlawh chhuak vek a, a khaw tlawh apiangah damdawiina damlo te a kan nghal a ni.
Minister bial fanna khaw tinah amah lawmna vantlang inkhawm neih a ni a. Mipuite hmaah Minister chuan MLA-a thlantlin anih vanga Pathian leh mipuite hnenah lawmthu sawiin sorkar tha siam tura theihtawp chhuah a tum thu leh taimakna leh rinawmna nen amah tawiawm turin a ngen a ni. Hriselna lama hmasawn theihna turin meizuk a that lohzia te, AIDS laka fihlim theihna tura nun uluk leh vawn thianghlim a tulzia a sawi uar hle a ni.
Minister hi Joint Director, Hospital & Medical Education Dr. L.R. Sailo leh Health Department hotu engemawzat bakah a department chan dang Trade & Commerce Director Pu Ngurhuzauva ten an tawiawm a, February ni 9, 2009 khan Aizawl a lo thleng leh a ni. Vawiin khan Vietnam-a DoNER Ministry buatsaiha Trade & Commerce Ministers Meeting hmang turin Minister chuan Aizawl a chhuahsan leh nghal a ni.
Minister hi Joint Director, Hospital & Medical Education Dr. L.R. Sailo leh Health Department hotu engemawzat bakah a department chan dang Trade & Commerce Director Pu Ngurhuzauva ten an tawiawm a, February ni 9, 2009 khan Aizawl a lo thleng leh a ni. Vawiin khan Vietnam-a DoNER Ministry buatsaiha Trade & Commerce Ministers Meeting hmang turin Minister chuan Aizawl a chhuahsan leh nghal a ni.
