No.2953/2021-2022

Aizawl, 11th November, 2021 : Vawiin khan sawrkar laipuia Health and Family Welfare Minister Dr. Mansukh Mandaviya hovin India ram State leh UT zawng zawnga Health Minister ten online meeting an nei a, Union Minister of State for Health and Family Welfare Dr. Bharati Pravin Pawar chuan Union Minister hi tawiawmin, Mizoram Health Minister Dr R. Lalthangliana pawh he hunah hian telin Mizoramin COVID-19 vacine pekchhuah kawnga hma a sawn dan leh hna a thawh dan te a sawi a ni.

Union Health Minister Dr. Mansukh Mandaviya chuan India ram vaccine la thei bituk kum 18 chunglam zinga 79% in vaccine first dose an lak tawh thu leh heng zinga 38% hian second dose an lak tawh thu a sawi a, mi vaibelchhe 12 chuangin second dose an la hmabak tih sawiin, Prime Minister-in ‘Har Ghar Dastak’ campaign a puan kal mekah hian kum tling chin zawng zawng vaccine pek kim an nih theihnan tan la thar theuh turin State/UT Health Ministerte a chah a ni.

Union Health Minister chuan COVID-19 hripui leng a reh tura ngaia inthlahdah a hlauhawm tih sawiin, khawvel hmun hrang hrangah hri kai an pung chho leh mek a, Singapore, Britain, Russia leh China ah te pawh 80% aia tamin vaccine an la tawh chungin hri kai thar an pung nasa hle a ni a ti a. Vaccination leh COVID Appropriate Behaviour (CAB) hi a kalkawp yur a ni a, vaccine la tawhte pawh inthlahdah a thiang lo a ni, tiin COVID-19 hri kai kan pun leh vak loh nan kan zavaia kan tanrual a ngai a, vaccine lak hian hri kan kai pawha na taka kan tawrhna tur lakah min ven avangin CAB hi kan ngaihthah thiang lo a ni, a ti.

Mizoram Health Minister Dr R. Lalthangliana chuan thusawina hun tha tak changing Prime Minister in January ni 16, 2021 a vaccine pek runpui a khuhhawn atang khan Mizoramah chum lo chat lovin ngawrh takin vaccine pek kawngah hmalak char char a ni a, nimin November ni 10, 2021 thlenga COVISHIELD Mizorama pek tawh zat chu dose 12,29,486 a ni a, 1st dose pekchhuah tawh zat hi 7,00,373 (90% of eligible population) niin, 2nd dose 5,29,113doses (76% of 1st dose) pek tawh an ni, a ti.

Dr. R. Lalthangliana chuan Mizoram sawrkarin Electoral Roll, 2020 behchhanin kum 18 chunglam mi 7,75,106 in vaccine la theia a chhut laiin sawrkar laipui chuan September ni 15, 2021 khan Mizoramah kum 18 chunglam mi 8,67,000 awm anga a rawn chhut avangin Mizoram sawrkarin Electoral Roll thar ber atanga pek theih zat a chhut nen mi 91,894 laiin a inthlau a, hei hian Mizoram sawrkar data leh Ministry lam data a inmil thei lova, Mizoramain 90% hnenah first dose pe tawh anga a chhut laiin sawrkar laipui chuan 81% angin a chhinchhiah thung a ni, a ti.

Mizoramah Covid-19 vaccine dose 15,82,680 hmuh tawh a ni a, heta tang hian Defence Forces hnenah vaccine 5,110 pek chhuah tawh a ni a, Defence Fprces te hi insawn kual reng an nih vangin first dose la tawh, second dose lak hmaa Mizoram pawna transfer te an awm thin a, hei hian full dose coverage ah a tikhingbai a ni tih a sawi a, vaccine lak zawh hlima harsatna tawk AEFI (Adverse Events Following Immunization) te zingah mi 1558 chu minor case niin buaipui zui ngai an awm lova, seious case 3 awmin mithiamten an chhui zui mek a ni, a ti.

Dr Thangtea chuan damlo leh harsatna hrang hrang vanga vaccine lakna hmun pan theilote zawnchhuah an ni a, an chenna inah kalchilhin vaccine pek thin an ni. Dam lo khuma mu mi 912 hnenah first dose pek tawh an ni a, anmahni viltu/enkawltu mi 32 hnenah first dose pek tawh an ni a ti a. District tinah ngawrh takin vaccine pek hna kalpui a ni a, furpui laiin Mizoram hmun kilkhawr zual a nik takin Lawngtlai district leh Mamit a khaw kilkhawr zualte tlawhpawhn theih an nil ova, fur reh hnuah tunah hian beihpuithlak mek a ni a, Deputy Commissionerte kaihhruaina hnuai sawrkar hnathawkte, tl;awmngai pawlte leh sakhaw hruaitute nen theihtawp chhuaha hmalak niin, vaccine dawng thei zawng zawng pek kim vek kan tum a ni, a ti bawk.

Dr. Thangtea chuan sawrkar laipuiin COVID-19 dona kawnga Mizoram mamawh chi hrang hrang a thlente a a lo ngaihtuahsak thin avangin lawmthu a sawi bawk a ni.