meetingah hian Tunhnaia Aizawl khawpui lockdown leh Mizoram puma COVID-19 No Tolerance Drive kalpui mek thlirho a ni a, report hrang hrang atangin sawrkar hmalakna in awmzsia a nei hle niin an hria a ni.
Integrated Disease Surveillance Programme (IDSP), H&FW department report danin COVID-19 positive enkawl mek zingah Civilian 461 an awm a, heng zingah hian Mizoram police Bihar-a election duty kal lo haw 61 chhiar tel an ni. Fronline Workers 14 leh Central Armed Police Forces (BRO chhiar telin) 29 an ni.
Thla bi a COVID-19 positive hmuhchhuah dan chu hetiang hi a ni : March - 1, June - 159, July - 253, August - 599, September - 1006, October - 740, November - 723 (November ni 17, 2020 thleng) a ni. Positive hmuhchhuah tawh zawng zawng zinga 1595 hi travel history nei lo, tualchhunga hri kai an ni a. 1886 hi Mizoram pawn atanga lo lut an ni.
Aizawl khawpui lockdown chhung khan chawhrualin nitin sample test tur 900 vel lak a ni a, Lockdown zawh hnu nimin thleng khan nitin chawhrualin sample test tur 550 lak a ni. Lockdown laiin chawhrualin nitin positive thar 38 (4.21%) hmuhchhuah an ni a, lockdown zawh hnu nimin thleng khan chawhrualin nitin positive 38 (4.27%) hmuhchhuah a ni.
Tun dinhmunah COVID-19 positive enkawlna (CCC leh DCHC) 63, khum 2559 awmin Community COVID Care Centre (CCCC) 3, khum 109 awm theihna a awm a. Zoram medical College (ZMC) ah khum 156 leh ICU khujm 40 awm theihna a awm bawk a ni.
Heng damlo enkawl theihna hmun district hrang hranga neih dan chu hetiang hi a ni :1. Aizawl district (Saitual district chhiar tel a ni): CCC - 24 (khum - 1563), DCHC - 6 (khum 20), CCCC - 3 (khum 109)2. Lunglei district : CCC - 4 (khum - 101), DCHC - 1 (khum 15)3. Siaha district : CCC - 1 (khum 20) DCHC - 1 (khum 15)4. Champhai district : CCC - 1 (khum 54), DCHC - 1 (khum 42)5. Kolasib district : CCC - 3 (khum 232), DCHC - 1 (khum 10)6. Serchhip district : CCC - 3 (khum 154), DCHC - 1 (khum 12)7. Lawngtlai district : CCC - 2 (khum 97), DCHC - 1 (khum 8)8. Mamit district : CCC - 2 (khum 70), DCHC - 2 (khum 28)9. Khawzawl district : CCC - 3 (khum 38), DCHC - 1 (khum 36)10. Hnahthial district : CCC - 2 (khum 48)
BSUP CCC, Durtlanga building block no. 15 chu Child-friendly Covid Care Centre atana ruahman niin, naupang COVID-19 positive 4 enkawl mek an ni a. Lawngtlaiah Child-friendly Covid Care Centre tur buatsaih tan mek a ni bawk.
Staines Memorial School Hostel, Chanmari, Aizawl chu hostel naupang positive hmuhchhuah an nih atang khan hostel naupangte an hostel ah quarantine nghal an ni a, remchang zawka hriat a nih avangin la negative, an result test la ngai ho hi Quarantine Facility dangah sawn an ni.
Bihar election neih zawh taka duty Mizoram Police te hi 354 an ni a, tan lo haw hnu hian positive 61 hmuhchhuah tawh niin, an zinga 9 in symptom an nei a ni. Police hotute report danin Mizoram (Containment and Prevention of COVID-19) Act, 2020 bawhchhia 55151 man tawh niin, sum chawitir zat hi Rs. 99,80,700 (November ni 18, 2020 zing dar 9:00 AM thleng) a ni.
Indian Medical Association (IMA) chuan Mizorama Revised discharge Protocol hman mek chu a him tha tawk rih niin an hriat thu an sawi a, COVID-19 hri leng danna atana pawimawh sawrkar pawhin zawm tura thupek a chhuah sulhnu application QR Code chu dawrkai tin ten an dawr bangah emaw, hmun remchang laiah tarin, hming ziakna register chhawp vek se tha an tih thu an sawi a. heng bakah hian sawrkar ngaihtuah zui atan rawtna chi hrang hrang an siam bawk a ni.\Vawiin review meeting ah hian Mizoram puma CCC hrang hranga ei leh mana sen ral zat chu chawh rualin nikhat Rs. 1,28,985/- vel a nih thu tarlan a ni a, Volunteers 910 vel rawih niin an lawmman pek tur zat hi chawh rualin nikhatah Rs. 4,82,300/- nia chhut a ni. heng bakah hian senso dang neuh neuh a tam thu tarlan a ni bawk.
Contact Tracing team chuan October thla hma a positive hmuhchhuah zinga 15% chu symptom nei an nih thu an sawi a, October thla khan 40% ah kaiin, lockdown atanga nimin thleng khan 36% a nih thu an tarlang bawk. Lockdown lai hian mi an chhuak tlem a, hei hian contact tracing a tih awlsam bakah hri in kaichhawng pawh an tlem phah niin an tarlang a. Chhungkaw hrang hrang 199 ah positive inkaichhawng an awm tawh thu leh zirna in hrang hrang 26 ah positive 196 an awm tawh thu an tarlang a ni. Contact tracing team an indaih loh avangin hri kaina chhui harsa zualte umzui tur Special Contact Tracing team din a ni a, anni hian November ni 7, 2020 atang khan hma la tanin, chhui harsa zual 102 zinga 41 chu an chhui chhuak tawh a ni.
Vawiin review meetingah hian a bik takin kum upate himna tura nasa lehzuala tan lak a ngaih thu sawilan a ni a, sample test tun aia ngawrh zawka kalpui a tul thu te, VLTF/LLTF te hnenah awareness uluk zawka kalpui a ngaih thu te sawi a ni.