Vawiin khan Health Minister Pu Lalrinliana Sailo hovin Reliance Company-a bill tang tam tak release a nih thuai theih dan tur sawihona neih a ni a. He meeting pawimawh tak Health Directorate Conference Hall, Dinthar-a neihah hian Reliance Company lam hotute mai bakah sawrkar leh private hospital hotute an tel kim hle a ni.
Sawrkar leh private hospital hrang hrang aiawh ten Reliance Company lamin bill an la bat zat te sawiin chhuanlam ho te te avanga la hrek sak mai an nih thu leh hei hian hospital leh mipuite bakah damdawi zuartute tan pawh harsatna namen lo a thlen thu an sawichhuak a. Reliance Company chuan an aiawh tur mizoramah dah reng siin heng an aiawhten Bill chu duh tawka an enfel hnuah leh an pawm thlap tawh hnuah chhuanlam dawrawm te te hmanga Kolkata lamin an rawn hnawlsak leh thin niin an sawi bawk.
Health Minister chuan MoU ang ngeia kal a nih tur thu leh mi harsa tak tak te bill hetianga rei tak hrek sak a ni chu pawi a tih thu a sawi a, a rang thei ang bera harsatna awm ang ang te chu chingfel turin Reliance Company hotute a hrilh a ni. Tun dinhmunah chuan Reliance Company hian cheng vaibelchhe 15 bill an pe chhuak tawh a, Bill pending la awm zawng zawng hi cheng vaibelchhe 6 vel zet a la awm thu sawilan a ni. Health Minister hmalakna chak takin heng bill pending te pawh hi pe chhuak thuai a nih beisei a ni.
Health Minister chuan MoU ang ngeia kal a nih tur thu leh mi harsa tak tak te bill hetianga rei tak hrek sak a ni chu pawi a tih thu a sawi a, a rang thei ang bera harsatna awm ang ang te chu chingfel turin Reliance Company hotute a hrilh a ni. Tun dinhmunah chuan Reliance Company hian cheng vaibelchhe 15 bill an pe chhuak tawh a, Bill pending la awm zawng zawng hi cheng vaibelchhe 6 vel zet a la awm thu sawilan a ni. Health Minister hmalakna chak takin heng bill pending te pawh hi pe chhuak thuai a nih beisei a ni.
