Vawiin khan Health and Family Welfare Minister Pu Lal Thanzara hovin Mizoram State Health Care Society (MSHCS) chuan Governing Board Meeting vawi 16-na neiin Chief Minister’s Office Conference Hall-ah an thukhawm. 

Kum hmasa lamah khan Sawrkar hnathawkte Medical Reimbursement zirchianna Sub-Committee on Medical Reimbursement Report in a lo tarlan tawh angin Family Declaration dik tawklo te, bill theih chin bak bill thin avang leh thil dang hrang hrang avanga MR Bill screening tha tak neih a pawimawh em avangin committee hmasaah chuan hemi bawhzuina atan hian sawrkar hnathawk te MR Bill pek tlak a nih hmain Medical Reimbursement Bill-te enfel leh endik turin MSHCS kut a dah lo rawt tawh a ni. Hemi atan hian vawiin meeting-ah chuan MSHCS in he screening hna an thawhna atana thawktu leh hmanrua mamawh turte thlenin, society in thawktu a lak dan tur kawngte sawiho a ni a. Hemi bakah hian Health Management Information System changtlung tak siam a, billing records zawng zawng computerise a online a submit theih tura ruahmanna siam te, bill screening tih atanga commission lak chungchangte sawiho a ni bawk.  

Meeting-ah hian Pu Lalrinliana Fanai, Commissioner & Secretary, Health & Family Welfare Department, Finance Secretary Pu Lalmalsawma leh MSHCS Member dangte an tel a ni.