2862/2022-2023
Guwahati, 30th November, 2022 : Nimin khan Dr R. Lalthangliana H&FW, C&I, etc. changtu minister chuan Guwahati Neurological Research Centre, Dispur, Guwahati a tlawh.

Dr R. Lalthangliana hi vawiina Guwahati Mizo Students Union (GMSU) Silver Jubilee hmanpui turin nimin khan Guwahati a thleng a. A thlen veleh hian GNRC hi a tlawh nghal a ni. GNRC ah hian Hospital thuneitu ten lo dawngsawngin, inkawmna hun tawite an nei a. Dr R. Lalthangliana hian GNRC hotute hi amahin a ngenna ngaihpawimawh a, Civil Hospital Aizawl a outreach programme an lo nei tawh avangin lawmthu a hrilh a, Mizoramah Neurological problem kan ngah avangin inzirtirna rawn kalpui chhunzawm a, Mizoram atanga Doctor thenkhat te short course training pe turin a ngen nghal a. Minister ngenna angin GNRC hotute hian kumthar lamah Mizorama clinic buatsaih an lo tiam a, Mizo Doctor training peih te tan pawh an inhawn thu Minister hi an hrilh a ni.

Hemi hnu hian Mizoram House lamah, Mizoram Sawrkar hnuaia empanelment hmu thar Eye Care Hospital hotute nen inkawmhona hun tawite an nei a. Minister in a ngen angin Eye Care Hospital hotute hian kumthar lamah Mizoram ah free Eye clinic rawn buatsaih an tum a ni.

Vawiin hian Dr R. Lalthangliana chuan Dr.B.Boruah Cancer Institute (BBCI) ah High Dependency Unit (Female) a hawng dawn a, hemi hnu hian Khuallian niin GMSU silver jubilee a hmanpui ang.