Nimin khan Health & Family Welfare Minister Pu Lalrinliana Sailo chuan PIB Aizawl huaihawt a Bharat Nirman/Flagship Programmes, Public Information Campaign, Khawzawl a Zaingen Community Hall-ah a hawng.
Hawnna inkhawm ah hian Pu Mangjangam Touthang, IIS, Member Secretary, Core Committee, PIC, Mizoram leh Head PIB & DD News,Aizawl in a kaihruai a, khuallian Pu Lalrinliana Sailo chuan thusawiin kan State hmasawnna atan a sum kan dawn zawng zawng hi a tlangpuiin Centrally Sponsored Scheme deuh vek a ni a. Heng kan sum dawnte hi a hmandan tur kaihhruaina awm felsa thlap a ni a. Mipuiin kan chanpual atan a sum lokal te hi a kaihhruaina nena kan hriatchian a ngai hle a. Chuvang chuan he Bharat Nirman hian a tum chu mipui hnena sum lokal dan leh hnathawh dan turte chiang taka mipui hrilh hriatna a ni. Chuvangin mithiam ten uluk takin sum rawn kal dan leh a hman dan leh lo dawnsawn dante min zirtir dawn a, uluk taka lo dawng sawng turin mipuite a sawm a ni.
Pu Rina hian hetianga Central Department leh Inter Media Publicity Coordination Committee in Mizoram hmun hrang hranga Public Information Campaign an huaihawt thin hi Mizoram Sorkar aiawhin lawmthu a hrilh hlawm a ni.
He hunah hian khualzahawm Champhai DC Pu Vijay Kumar Bhiduri,IAS in Mizo tawng ngat a thusawiin CSS hmanga hmasawnna sum ruahmante hi India sorkarin a ram mipuite hmakhua a ngaih vang liau liau a siam a ni a. Tangkaia hman thiam chuan hmasawnna ropui tak thlentu a ni ang a ti a; amaherawh chu mipuiin kan hmanthiamloh erawh chuan thatchhiatna leh kumkhaw chawrlohna a thlen thei a ni a ti. Chuvangin taihmakna,rinawmna nen heng sum lokalte hi an dawnsawn a ngai hle a ni a ti.
Khualzahawm dang Pu Lalngurliana, President Joint VC Khawzawl pawhin thusawiin an khua a hetiang Programme pawimawh tak an rawn buatsaih avangin lawmthu a sawi bawk.
Khawzawl ah hian Technical Session khatna hi Pi Lalthlamuani, Editor, Si-Ar in a kaihruai a. Pu Lalthanmawia Project Director, DRDA Champhai in Rural Housing leh NREGA chung chang a sawi a. Pu Zothansanga EE PWD in Rural Road chung chang a sawi a, Pu Lalsiama Fambawl, Dy.Director I&PR in RTI Act chung chang a sawi bawk. Technical hnihna chu Pu Lalrotluanga, Editor, Khawzawl Times in a kaihruai thung a. CSS hmalakna a sulsutu Department hrang hrangin hna kalhmang, hmalakdan leh hmachhawpte nen mipui an zirtir a. Mipui a tanga zawhna leh chhanna hun thawl tak an hmang bawk.
Vawiinah hetiang programmes hi Khawhai ah an chhunzawm ang a, naktuk February ni 26 hian Biate ah chhunzawmin an khar ang.
Pu Rina hian hetianga Central Department leh Inter Media Publicity Coordination Committee in Mizoram hmun hrang hranga Public Information Campaign an huaihawt thin hi Mizoram Sorkar aiawhin lawmthu a hrilh hlawm a ni.
He hunah hian khualzahawm Champhai DC Pu Vijay Kumar Bhiduri,IAS in Mizo tawng ngat a thusawiin CSS hmanga hmasawnna sum ruahmante hi India sorkarin a ram mipuite hmakhua a ngaih vang liau liau a siam a ni a. Tangkaia hman thiam chuan hmasawnna ropui tak thlentu a ni ang a ti a; amaherawh chu mipuiin kan hmanthiamloh erawh chuan thatchhiatna leh kumkhaw chawrlohna a thlen thei a ni a ti. Chuvangin taihmakna,rinawmna nen heng sum lokalte hi an dawnsawn a ngai hle a ni a ti.
Khualzahawm dang Pu Lalngurliana, President Joint VC Khawzawl pawhin thusawiin an khua a hetiang Programme pawimawh tak an rawn buatsaih avangin lawmthu a sawi bawk.
Khawzawl ah hian Technical Session khatna hi Pi Lalthlamuani, Editor, Si-Ar in a kaihruai a. Pu Lalthanmawia Project Director, DRDA Champhai in Rural Housing leh NREGA chung chang a sawi a. Pu Zothansanga EE PWD in Rural Road chung chang a sawi a, Pu Lalsiama Fambawl, Dy.Director I&PR in RTI Act chung chang a sawi bawk. Technical hnihna chu Pu Lalrotluanga, Editor, Khawzawl Times in a kaihruai thung a. CSS hmalakna a sulsutu Department hrang hrangin hna kalhmang, hmalakdan leh hmachhawpte nen mipui an zirtir a. Mipui a tanga zawhna leh chhanna hun thawl tak an hmang bawk.
Vawiinah hetiang programmes hi Khawhai ah an chhunzawm ang a, naktuk February ni 26 hian Biate ah chhunzawmin an khar ang.
