3078/2023-2024

LUNGLEI; the 16th, December' 2023: Vawiin khan Health & Family Welfare Department changtu Minister Pi Lalrinpuii chuan Lunglei Civil Hospital,Truma Care Facilites, Zobawk Public Health Centre, Sazaikawn Urban Primary Health Centre leh Hrangchalkawn Urban Primary Centre te a tlawh.

Health Minister Pi Lalrinpuii chuan Mizoram Chief Minister in duhsak takin Health & Family Welfare Department enkawl tura min ti hi lawmawm a ti a, hriselna kawngah Mizoramin hma a sawn theih nan theihtawp chhuah a tum thu sawiin hmachhawpte ti hlawhtling turin Department a thawkte thawhpuiah a sawm a. Health & Family Welfare Department a thawktu zawng zawng te chu taima taka thawkturin a chah a, a bik takin Health Care a thawktute chu mihring nunna enkawltu an ni a Missionary rilru pu chunga thawk theuh turin a chah a ni. Mizoram Health Care System tidanglam dawrh thei tura thawhpuiah a sawm a, Chhimlam District te tana  awlsam taka pan theih turin Lunglei Civil Hospital tih changtlun leh ICU damlo te hman theih tura hmalak a nih tur thu   sawiin Hospital leh Health Sub Centre te thuam that a nih tur thu a sawi bawk.

Pi Lalmalsawmi Sailo, Director Health & Medical Education Mizoram chuan Health & Family Welfare Department hnuaia hmalakna leh hmachhawp hrang hrang te tarlangin Super Specialist leh thawktu dang mamawh te Minister hnenah thlen a tum thu a sawi.

Lunglei South bialtu MLA Pu Lalramliana Papuia  leh Lunglei West bialtu MLA Pu.T. Lalhlimpuia te pawhin thu an sawi bawk a ni.

Pi Lalrinpuii hi Lunglei North bialtu MLA Pu V. Malsawmtluanga, Lunglei Municipal Councillor te leh Official ten an tawiawm a ni.