Nizan thimhlimah khan Aijal Club ah Health Ministerb Pu Lal Thanzara chuan hmarchhak bial chhunga ruhlam thiam bik, daktawr te intelkhawmna pawl, North Eastern Regional Orthopaedic Surgeons' Association(NEROSA) khawmpui vawi 30-na, 'NEOSCON 2017' chu a hawng.

Ni 3 chhung awh tur, NEOSCON hi khawmpui dangte anglo takin hnathawhhona kawnga intihhmasawntawnna kawng dap nan leh thiamthil inhrilhhriat tawnna atan - ruhlam thiam, daktawr te hian an hmang dawn a ni.

Ruh Daktawr te khawmpuilian hawngtu, Health Minister Pu Lal Thanzara chuan daktawr hna chu eizawnna hna satliah a ni lova; tanpui ngai, damlo mangang leh mamawhtute te rawngbawl sak tura kohna a ni a ti a. Daktawr ten an thil tawn leh damlo an enkawl dam tawhna tanga an hriat belh te inhrilhhriat na hun an siam thin chu mipui ten kan hlawkpui hle tura a ngaih thu a sawia. Khawvel hmundanga inelkawlna tha ang tho, phai damdawiin tam takah kalpui a nih laiin India hmarchhak bial ah erawh damlo enkawlna a changtlung tawk lo tih sawiin hmarchhak bial chhunga daktawr te chu midang te aia an thiam bik a ngai a ni a ti. Thawhhona tha tak nen inpawh tlang takin an thiam thil te an inzirtir tawn phawt chuan hmarchhak bial mipuite hnenah inenkawlna tha ber ber an chhawp sak theih a beisei thu sawiin ruhlam thiam, daktawr te chu an inkhawmpui hlawk taka hmang turin duhsakna a hlan a. NEROSA Souvenir 2017 pawh a tlangzarh sak nghal a ni.

Conference chhung hian Professor, Doctor thiam tak tak leh damdawi lam zirmi ten ruhlam natna enkawl dan bengvar thlak tak tak, tunlai damdawi lam thiamna thar zawk hman chungchang te an inzirtir tawn dawn a ni.