No.1489/2021-2022

Aizawl, 20th July, 2021 : Health Minister Dr. R. Lalthangliana leh I&PR Minister Pu Lalruatkima ten vawiin khan Aizawl khawpui leh a chhehvel veng/khua 6 a sample test runpui neihna hmun Tuirial, Bethlehem Vengthlang, Armed Veng South, Chhinga Veng, Saron Veng leh Electric Vengte an tlawh.

Minister pahnihte hian Medical Operation Team on COVID-19 te hmalakna a buatsaih Tuirial tlawh hmasa berin Tuiriala VLTF te chuan hian mi 500 vel test turin an inruahman tih an lo sawi a, sample testna hmun pakhat awmin tunah hian CCCC pahnih an nei mek a, sample test zinga positive an tam chuan a enkawlna tur CCCC dang pakhat an siam leh theuih tur thu an lo sawi a ni.

Turial an tlawh zawh hian Health & Family Welfare Department hmalakna a buatsaih sample test runpui neihna vengte an tlawh chhunzwm nghal a, Armed Veng South tlawh hmasa berin LTF sampkle testna hmun 2 ah an siam thu lo sawiin hruaitute chuan sampole 800 bawr vel test hman an inbeisei a, positive hmuhchhuah an tam palha enkawlna tur hmun chungchanga harsatna an tawh theih thu sawiin Ministerte hian sawrkarina tul anga hma a lak zel tur thu an hrilh a ni.

Chhinga Veng an tlawhnaah bialtu AMC Executive Councillor Pi B. Lalawmpuii leh LTF hruaituten lo dawngsawngin sample testna hmun 2 an neih thu leh mi 1000 vel an in test hman an inbeisei thu an lo sawi a, positive hmuhchhuah an awma enkawlna tur CCCC pakhat an ruahman thu an lo sawi a ni.

Hemi hnu hian Electric Veng tlawh lehin bialtu MLA Pu C. Lalmuanpuia leh LTF hruaituten an lo dawngdawng a, sample test hi veng chhungb hmun 4 ah neih a nih thu leh mi 1000 vel talm in test hman an inrin thu an sawi a, CCCC 1 neiin a tula hman tur a dang pakhat an ruahman thu an sawi a ni.

Saron Veng tlawh chhunzawmin LTF hruaitute nen inkawmna an neihah sample test na hmun 3 ah an buatsaih thu an lo sawi a, sample 1000 vel test theih an inbeisei a, positive hmuhchhuahte enkawlna hmun tur chungchangah Ministerte hian sawrkarin theihtawp a chhuah tur thu an sawi.

A tawp berah Bethlehem Vengthlang tlawhin LTF hruaitute chuan sample testna hmun hnihah an neih thu lo sawiin hri kai hmuhchhuahte enkawlna tur hmun harsatna an tawh theih chungchangah Ministerte hian theihtawp chhuaha ruahmanna an siam zel thu an sawi a ni.

Health Minister Dr. R. Lalthangliana chuan lockdown hi awmze nei taka kalpui a nih theihnan mipui chhuahvah tlem lai tak hian a tam thei ang ber sample test a, positive te hmuhchhuah zung zung leh inkaichhawnna dang chat tura lakhran zung zung an tum tih a sawi a, sample test chu fimkhur tak leh uluk taka kalpui an ngaih thu sawiin, nikhat chhunga test kim hman loh pawhin chhunzawm zel tur a ni tih a sawi.

I&PR Minister Pu Lalruatkima pawhin sample test runpui hian hmalam hun atan rah tha a chhuah ngei a beisei thu sawiin, mipuite a tam thei ang ber sample test turin a sawm a, LTF, YMA leh kohhranhote tanrualna a fakawm tih thu sawiin an thahnemngaihna leh sawrkar an thawhpui that zarah hei leh chen hi kan tang tlang tawh a, theihtawp chhuah zel turin a chah a, lockdown chhungin chhuanchham kan awm lohnan mit leh bbeng chhi theuh turin mi zawng zawng a chah bawk a ni.