No.3715/2021-2022

Aizawl, 18th January, 2022 : Vawiin khan Health Minister Dr R. Lalthangliana hovin a pisa ah Non-Government Hospital Association of Mizoram (NGHAM) hruaitute an inkawm.

Health Minister Dr R. Lalthangliana chuan Mizoramin COVID-19 hripui leng dona kawnga theihtawp kan chhuahna kawnga thahnemngai taka min puihna leh anmahni hamthatna tur pawh tlansana Zoram mipuite himna tura NGHAM te hmalakna hi a chhuanawm ani, a ti a. Kn thawhona a that avangin hmalak pawh a awlsam a ni, a ti a. Zoram Medical College chu Dedicated COVID Hospitakl-ah kan ouan avangin COVID hri kai mekte bak kan enkawl thei lova, hetih laia non-COVID leh post-COVID damlote private leh kohhran damdawi in ten in lo dawngsawng hian kan pphur nasa takin a chhawk zangkhai a ni, a ti bawk.

Health & Family Welfare Board Vice-Chairman Dr ZR Thiamsanga, MLA pawhin NGHAM ten COVID-19 dona kawnga an thawhhlawkzia chu kan theihnghilh dawn lo tih sawij a tul huynah chuan zanlai pawh sawi lovin an thiamna leh an hriatna bakah an hmanruate an thawh a, Medical Operational Team ah pawh a kul a taiah tangin anmahni sensovin Zoram dung leh vang an fang a, Zoram mipuite hripui laka kan himna tura an tha thawhn hi a chhinchhiahtlak a ni, a ti bawk.

NGHAM hruaitute chuan Minister-in a ngaih pawimawh thinna ah lawmthu sawiin, an damdawi in hmunhmaten duhthu sam lo mahse theihtawp chhuaha Zoram mipuite him an an phak tawkah an tang ve thin tih an sawi a, COVID-19 hi kum engemawchen a la cham bang dawna a lan avangin sawrkar ang pawha long-term plan siam a tula an hriat thu an sawi a, chung zingah chuan Infectious Disease Hospital din te an sawi ri tel a ni.