1999/2026-2027

Dated Aizawl, the 31st August, 2026: Health Minister Pi Lalrinpuii hmalaknain vawiin khan Health Minister Office Chamber, MINECO-ah Manipal Hospital hotute chuan Nurse Recruitment Drive neiin, Minister an hmu a ni.

He thutkhawmah hian Directorate of Nursing leh Manipal Hospital-te ṭangkawpin Nursing Recruitment Drive an neih zel dan tur an sawiho a; Directorate of Nursing hnuaia Recruitment Cell hmalaknain Directorate of Nursing-ah walk-in interview neih nghal a ni.

Manipal Hospital hotute chuan Mizoram aṭanga damlo tam zawk an enkawl theih nana hmalakna thar an neih hrang hrangte an sawi a. Damlo khum indaihlohna avanga Day Care Centre an hawn belh - khum 35 te chu Mizoram atanga damlo lo kalte tan bika an ruahman thu an sawi a. Experience nei Mizo Nurse tam zawk hnathawk tura lak belh an duh thu an sawi bawk a ni.

Manipal Hospital hian India ram pumpuiah Hospital 49 an nei mek a, chung zinga hospital 5 chu MUHCS hnuaia empanelled mek an ni a. Manipal Hospital hi India ramah chuan hospital nei tam ber leh nei tha ber te zinga mi an ni.

He hunah hian Health & Family Welfare Department hnuaia Directorate of Nursing hotute bakah Synod Hospital College of Nursing, Mizoram College of Nursing, Blessino Nursing School leh Apollo School of Nursing hotute an tel bawk a ni.