2355/2026-2027

25th September, 2026 : Vawiin chawhma dar 10 khan Health Minister Pi Lalrinpuii chuan NEIGRIHMS, Shillong a tlawh a. Prof Dr Nalin Mehta, Director, NEIGRIHMS leh a thawhpui ten an lo dawngsawng a ni.

NEIGRIHMS-ah hian kum tin Mizoram aṭangin damlo mi singkhat vel kal thin angin chhut a ni a. An damdawi in rate hi a tlawm avangin Mizo mipuite tana ṭangkai zawka NEIGRIHMS nena thawhho theih dan tur kawnga inbiakna neih a ni. Director chuan Mizoram Official te nen an lo inbiak nawn tur thu leh, a rang thei ang bera cashless treatment atana empanelment pawh tihfel ho an lo tum tur thu a sawi a. Meeting neih zawh veleh hian official ten technical meeting an neih chhunzawm nghal a ni.

Hemi hnu hian NEIGRIHMS bula NEC fund hmanga damlo te khualbuk tur sak mek chu a hmunah Minister chuan a tlawh nghal bawk a ni.

Health Minister hi Pu K. Lalnghinglova, Chief Financial Officer, MUHCS, Pi R. Lalrinzuali, Deputy Resident Commissioner, Mizoram House Shillong leh Pu H. Lalhruaitluanga, Under Secretary & PS to Minister in an tawiawm a ni.