Vawiin tlai khan Pu Lal Thanzara, Health Minister chuan CMO Conference Hall-ah Demographic Profile of Mizoram tih lehkhabu, Health & Family Welfare Department in an siam chu a tlangzarh. Lehkhabu tlangzarh inkhawm hi Dr. K Ropari, Principal Director Health and Family Welfare Department chuan a kaihruai a. Dr. Rohmingthanga Director-in thusawi tawi nei bawkin he lehkhabu buaipuitu Dr. Vanlalrengpuia’n he lehkhabu buatsaih dan report a sawi a. Dr. Lalchungnunga Joint Director chuan vote of thank a sawi a ni.

Pu Lal Thanzara chuan kawng engkima hmasawnna a thlen theih nan ruahmanna tha a pawimawh a. Statistic record rintlak neih a ni a. A tel lovin Planning siam fuh a harsa a ni a ti. He lehkhabu hi Department hrang hrang leh NGO ten an hman tangkai ngei a beisei thu a sawiin a buatsaih tu department chungah lawmthu a sawi a.Minister chuan H&FW Department a thawktute boruak tha tak an neih a zarah he lehkhabu tangkai tak hi buatsaih a ni a ti.

He lehkhabu chhunga Demographic profile tarlan tlangpuite:

He lehkhabu-ah hian Mizoram khua zawng zawng 2011 census, 0-6 year population (2011) leh kum 2012-2023 inkar chhunga mihring awm zat tura beisei (projected population) chhut chhuah chu Health Department Administration inchherchhuan dan mila dah luh a ni. Department dang tan pawha hman tangkai theih turin General Administrative RD Block leh district bialtu hming dah tel vek a ni.

Tuna clinic, Sub-centre, PHC/CHC Main centre leh District tinte, an huam chhunga projected population chhut chhuah a dah vek a ni.

Tun dinhmuna Sub-Centre leh clinic health facilities awm mekte list an awmna district mila dah an ni.

Mihring thla (month) leh kum bithliah hrang hrang Health Dept vaccine leh intervention hrang hrang atana pawimawh zawng zawng chhut chhuah dan tur formula dah a ni. Hei hi department dang leh age specific target nei thin programme hrang hrang tan a tangkai hle dawn a ni.

Lehkhabu-ah hian Health Department Human Resourse group hrang hrang zinga pakhat Community Health Staff (CHO, Supervisor leh Health worker database) dah luh a ni.

ASHA database-ah hian Health Department administration inchherchhuan hi district ASHA co-ordinator leh district hnuaia CHC/PHC level-a ASHA mobiliser-te leh veng/khua tina ASHA-te hming, thawhna hmun, contact number awm thei ang ang detail dah a niin hei hi directory-ah a hman theih nghal dawn bawk a ni.

He lehkhabu hman tangkai theihna leh a pawimawhna te

Department hrang hrang ten hmasawnna tura plan hrang hrang siam nan (Planning for development e.g PIP siam nan)

Policy leh Programme hrang hrang duan nan (Framing of policy & prog e.g., immunisation, family planning, member of representation, education, labour force, etc)

Sub Centre, PHC/CHC, District leh Mizoram state hnuaia programme hrang hranga an performance-te monitor, supervise, evaluate, analyse nan leh chumi ina a thlen – impact zir chian nan. Sub Centre, PHC/CHC, District leh Mizoram state hnuaia population kan hriat chuan fully Immunised Children target (Population x 0.0167) a chhut chhuah theih a, Sub Centre, PHC/CHC, District leh Mizoram state performance theuh kan chhut chhuah khan an achievement percentage a chhut chhuah theih a ni. Sub Centre, PHC/CHC, District dinhmun kan hriat chuan khawi lai Sub Centre, PHC/CHC nge ti tha a, khawi lain nge ti chhia tih te thlengin kan hre hrang thei ang. Sub Centre, PHC/CHC ti chhia ah tan kan lak chuan Zoram pum hmasawnna a lo thleng thei dawn a ni.

Mihring cheng zat hriat chian nan (Understand the size of population).