Vawiin chawhma dar 11 khan I & PR Conference Hall, Lunglei-ah Health Multipurpose Service Association Sub-Headquarter Conference vawi 1 na neih a ni. He conference ah hian Pu S. Laldingliana, Parliamentary Secretary chu khuallian a ni.

Thu sawiin Pu Dinga chuan Health Department hi department pawimawh thawktu tam tak awmna, tih dam rawngbawlna hna thawktu a ni, a ti. Chuvang chuan Mizoram sorkar pawhin a ngai pawimawh a, thawktu pawh a tul angin dah belh zel a ni, a ti. Mizo Christian hi hrisel leh thianghlim tur kan nih laiin Malaria avangin Mizoram ah mi tam tak kan thih bakah natna hlauhawm tak AIDS kan hmachhawn mek a ni, a ti a. Chuvangin thawktute pawh tunhma aiin theih tawp kan chhuaha kan in zirtir a ngai a ni a ti. Posting leh transfer chungchang pawh fimkhur lehzuala zir a tih mek anih thu a sawi. Health Department a thawktute chu damdawi bakah in tawngkam tha hi damna a tling thei a, tawngkam tha leh hlim hmel pu chunga hnathawka Pathian rawngbawlna anih zia hre nawn leh turin kalkhawmte a ngen a ni.