2751/2025-2026

Aizawl the 22nd December 2025: Ministry of DoNER hnuaia din High Level Task Force on Infrastructure Connectivity & Logistic Cost te chu an convener Pu Manik Saha,Tripura Chief Minister kaihhruaina hnuaiah online meeting an nei a, member a nih angin Chief Minister Pu Lalduhoma chuan a office atangin a zawm.

Pu Lalduhoma hian Mizoram chu Asia khawchhak ramte nena intlawhpawhna hmatawngah kan awm a, Kaladan Multimodal Transit Transport Project hi kan tihhlawhtlin vat a ngai a. Sairang thlengin rel a lo lut tawh a, he rel kawng hian Mizoram chhim lam a thlen phei vat a ngai a, chutiang bawkin Zorinpui thlenga National Highway tha taka kan neih a tul hle.

Mizoram khaw chhak lam leh khaw thlang lam inkalpawhna kawngpui tha kan neih hian hmarchhak bialin kan chhawr dawn a, Zokhawthar hi tha taka thlunzawm tlat a ngai. Sairang leh Lawngtlai hi Multimodal Hub atana siam theih a ni. Tin, kan kawngpuite hi furpui laka him ni turin concrete-in siam thei ila a tha berin a lang, tiin hmarchhak bialin inkalpawhna tha zawk leh man tlawm zawk a neihna tura a rawtnate a sawi a ni.

Task Force hian final report an siam hnai tawh a ni.

Chief Minister hi Pu Vanlaldina Fanai, Commissioner & Secretary to CM leh Planning official ten an tawiawm a ni.