No.758/2021-2022
Aizawl the 31st May, 2021: Vawiin chawhnu khan Mizoram Sorkar tana High Powered Committee chuan Gauhati High Court, Aizawl Bench ah an Chairman Justice Michael Zothankhuma, Judge, Gauhati High Court hoin a tum 7-na atan meeting an nei.
He meeting ah hian meeting hmasa zawk Dt.20.05.2021 a an thu rel tawh te chu mawh phurtu ten an bawhzui that tawk leh that tawk loh te an thlir ho a, hei bakah hian thil dang pawimawh tak tak an ngaihtuah bawk. Chung zingah chuan Jail tang lai te zingah Covid-19 hripui a darh lohna tura hma lak chhunzawm zel te, Central Jail complex chhunga Women Cell hlui zawk, Covid Care Centre atana cheibawl that tawh report chung chang te, district hrang hranga CJM leh Magistrtate First Class ten an hma zawn theuha Covid-19 hripui darh lohna tura an hma lak tawh te, chutiang bawkin police lamin an hma lak tawh dan te thlir ho bakah meeting hmasa thu rel te a tlangpui thua review neih a ni. Heng bakah hian jail tang chhuak tur ten pawnah hri an put darh loh nan tun achinah jail atanga chhuak tur te reng reng chu Covid-19 exit test neih vek phawt tawh tur a ni,a hei hian jail tang chhuak ten pawn lamah hri an pu darh palh tur ven nana tih a ni. Jail tang lai zingah Covid-19 damlo serious zual bik an lo awm thulh palha hma lak dan tur kimchang tak relin Chutiang thil a awm palh pawhin jail tang lai te chu venhimna hnuaia dah hran nise, tiin Committeee hian a rel. Tarlan tawh angina he Committee hian India rama Court sang ber Supreme Court of India in thupek a lo chhuah tawh anga jail tang lai te chu Covid-19 hrpuiin a luhchilh loh nan leh an zingah he hripui hi darh lohna tura hma lak dan tur te an rel a ni.
He meeting-ah hian Home Secretary Pi Lalbiaksangi, Prisons Department Inspector General Pu Lalnunhlua, Health & Family Welfare Department Health Secretariat atangin Dr. Thani Pachuau, CMO, Aizawl West leh MSLSA Member Secretary Pu R.Vanlalena te an tel a ni.
Attachment
- Loading attachment...
