Supreme Court thuchhuah bawhzuiin leh Sorkar hriattirna hmasa tihdanglam in Mizoram Sorkar chuan lirthei neitute tan High Security Registration Plate vuah hun a bituk thar a. Hriattirna thar ang chuan lirthei thar zawng zawngin High Security Registration Plate hi April ni 30 2012 ral hmaa ngeia vuah turah hriattir an ni a. Lirthei hlui te tan High Security Registration Plate hi June ni 15 2012 ral hma ngeia vuah tur a ni. Mizorama lirthei register zawng zawng ten High Security Registration Plate hi Registering Authority Office ah vuah tir tur a ni a, a plate man hi lirthei neitu ten an chawi a ngai dawn a ni.

High Security Registration Plate man hi scooter leh scooty tan Rs. 669; Bike tan Rs. 668; Three Wheeler tan Rs. 940 leh Light/Medium/ Heavy Motor vehicle te tan Rs. 945 te a ni ang. Hei hian a vuah man a huam tel bawk ang.