Pu John Rotluangliana, Deputy Speaker Mizoram Legislative Assembly chuan Hindi zirlai titha te chawimawina hun Mizoram Hindi Students Union, General Hqrs. te buatsaih chu vawiin khan I&PR Auditorium-ah a hmanpui.
Pu John Rotluangliana chuan Hindi thiam a pawimawh zia sawiin Mizo zingah lehkha zir sang tak si saptawng leh Hindi tawng harsat tlat leh hmang ngam lo tam tak an awm chu pawi a tih thu a sawi a. Zirlai te chu Certificate leh Degree ringawt nilo thiamna tak tak chhawrtlak paw chhuak ngei turin a fuih a ni. Deputy Speaker chuan Mizoram sorkarin zirna siamtha tura a hmachhawp te tihlawhtling tur chuan zirlai te an pawimawh a ni tiin ram siam tha tur pawhin pawn lam mi ni lo in a chhunga cheng te mawhphurhna a ni a ti. Sorkarin Hindi zirtirtu a lak thar tur te pawh sorkar in awm tura a tihna hmunah rinawm taka thawk turin khuallian chuan a fuih a ni.
He inkhawmah hian Pu Robert Romawia Royte, OSD Planning, SSA, RMSA chu khual zahawm niin Pu C. Kamlova, President Mizoram Hindi Prachar Sabha pawhin thusawina hun a hmang a. Mizoram Hindi Prachar Sabha hnuaia Class X (Prabodh), Class XII (Visharad) leh B.A (Praveen) exam a titha te pakhatna atanga pathumna hnenah chawimawina hlan a ni.
He inkhawmah hian Pu Robert Romawia Royte, OSD Planning, SSA, RMSA chu khual zahawm niin Pu C. Kamlova, President Mizoram Hindi Prachar Sabha pawhin thusawina hun a hmang a. Mizoram Hindi Prachar Sabha hnuaia Class X (Prabodh), Class XII (Visharad) leh B.A (Praveen) exam a titha te pakhatna atanga pathumna hnenah chawimawina hlan a ni.
