Cabinet Minister Pu PC Zoram Sangliana chuan nimin khan a office ah a department enkawl hrang hrang hmachhawp pawimawh zual te thlir puiin department hotu pawimawh te nen meeting an nei.
Kum 2013-2014 chhung atana Art &Culture, Printing & Stationery leh Transport Department ten hmachhawp pawimawh hrang hrang an sawiho te chu Art &Culture Department hnuaiah Vanapa Hall sak that chungchang te; Lengte khuaa Heritage Village din; Modern Art Museum sak chungchang te leh sorkar building zawng zawngah leh Mizoram ramri chhuahka tinah te Mizo culture tilang thei tur thil siam leh pholan te a ni a. Printing &Stationery Department hnuaiah District Capital tina Digital Printing Press Centre hawn leh stationery hmanrua semdarh kawnga Computer thiamna hman tangkai dan tur chungchang te an ni a. 2013-2014 chhunga Transport Department in hmachhawp a neih hrang hrang te chu department lamin uluk lehzualin lo buatsaih leh se, hun remchang hmasaah Minister hova sawiho leh tur atan dah rih a ni.
Nimina Minister hova inkhawm pawimawh takah hian Art and Culture Secretary, Printing and Stationery Jt Secretary, Transport Director, Art and Culture Director, Printing & Stationery Controller leh mi pawimawh dang te an tel.
