No.3854/2020-2021

National Highway no. 306 thawm that hna thawh mek vanga hunbi nei a kawngpui khar kalpui mek a nih vangin Thingdawl leh Bualpui inkarah bungraw phur lirthei tangkhang thahnem tak an ding thin a. Kolasib bawrhsap ruahmannain COVID-19 Screening Team ten heng lirthei khalhtute leh handyman-te hi Rapid Antigen Test an neih sak thin a ni.

Dr H. Lalthlangliana, Deputy Commissioner, Kolasib district chuan Thingdawl leh Sethawn inkara lirthei ding khalhtu leh handyman tangkhangte chu, an vai a Rapid Antigen Test hmanga endik tul a a hriat avangin Hmawngkhawthlir leh Sethawn, RTP farm inkar chu Containment area-ah zanin dar 6:00 atangin a puang a. Screening Point-te dah belh niin lirthei khalhtu leh handyman tangkhang awm mek te hi a rang thei ang ber a Rapid Antigen Test hmanga endik turin thupek a chhuah a ni. Containment Zone-in a huam chinah hian dawr hawn khap a ni a, mipui vantlang pawn chhuah khap niin lirthei khalhtu leh handyman Rapid Antigen Test hmanga endik tur te pawh anmahni lirthei chhungah chauh awm tur a ngen leh hriattir an ni bawk.

Containment Zone-a puanin a huam chhungah hian, ni 06.08.2020 dar 6:00 PM atanga thu leh awm hma chu lirthei eng chi mah tlan phal a ni lova. Medical Team, dan leh thupek kengkawhtute leh chhiatrup thil avang a chetvelna erawh a huam lo ang.